حيوانات لطيفة جدا بس ممكن تقتلك

جوه كل واحد مننا طفل صغير أول ما يشوف حيوان رقيق وكيوت بيبقى عايز يلعب معاه، خاصة لو الحيوان ده معروف بكونه لطيف، لكن أحنا هنا النهاردة علشان نحذرك من وجود حيوانات لطيفة جدا بس ساعة الجد ممكن تبقى قاتلة وبشدة كمان.

البجعة ممكن تقتلك

 

مين ممكن يتخيل إن البجعة الرقيقة دي ممكن تقتل ده من رقتها في باليه كامل اسمه بحيرة البجع، بس لازم تفتكر أن حتى في البالية ده زي ما في أوديل البجعة الطيبة في أوديت البجعة الشريرة.

البجع من  أكتر المخلوقات شراسة لو حسن بتهديد علشان كده لو شكت البدعة فيك أنك مصدر تهديد ممكن عينك تروح بسبب هجومها خاصة مع حدة منقارها.

أرقص لي يا فيل يا أبو زلومة

 

أغنية ليلى نظمي القديمة بتاعت الأطفال كانت بتغني للفيل وتقوله كده، وأغلب الأطفال في حديقة الحيوانات بيركبوا فوق ظهرة ويحبوه، لكن الفيل في غضبته قاتل حقيقي وناس كتير فقدت حياتها في رحلات السافاري لأنهم اتعاملوا مع الفيل باستهتار فما كان منهم أنه شالهم بزلومته وحدفهم أو داس عليهم.

الضفدع الذهبي

 

الضفدع ده جميل بشكل مش ممكن رؤيته مغريه جدًا ولكنه زي ما بيوصفوا الشيطان في الأدب جميل علشان يغريك ويوصلك لكارثة، لأن الضفدع ده سام جدًا ولمسه واحدة ليه ممكن سمها يقتل 10 أشخاص لو سلم اللي لمسه عليهم.

الدولفين

 

أهو الدولفين ده صدمه حقيقة معروف قد ايه هو طيب ولطيف، ولكن للأسف في نوع من الدولفين شرير حقيقي وممكن يقتل حتى بدون سبب النوع ده اسمه ذو الأنف الزجاجي فخذ الحذر قبل ما تلعب مع الدولفين.

الباندا

 

الباندا كائن لطيف فعلا طول ما ماحدش تعدى على منطقة لكن لو ده حصل بيدافع عنها بشرائه جدا وممكن يؤذي الشخص فعلا ويوصل لحد القتل.

سمكة فوجو

 

السمكة دي بتنتقم بعد ما تموت، وهي عاشية شكلها اليف وبتحب اللعب لكن بعد ما بتموت في جزء فيها مليان سم لو حد أكله عن طريق الخطأ ماحدش يقدر ينقذه علشان كده السمكة دي اللي بيطبخها لازم يكون معاه شهادة خاصة انه بيعرف ينظفها، وياما ناس ماتوا بسبب أنهم اكلوها مطبوخة بشكل غلط.

الكوالا

 

حيوان صغنن قوي وشكلة هادي ورقيق جدا وتحس انك ممكن تلعب بيه ببساطة، لكن الحقيقية انه حيوان شرس جدا وانيابه وضوفره مرعبة وكتير هاجم ناس كانت فكراه لطيف وطيف.

الراكون

 

الحيوان ده شبه السنجاب جدا وبرضه شكله مضلل وهادي لكنه عنيف جدا ومش كده بس ده كمان حرامي، الراكون بيهاجم البشر ويعورهم وكمان بيهاجم الحيوانات الصغيرة الأليفة، غير انه بيحب السرقة زي عينيه واي حاجة تقع عليها ايده هيسرقها ويجري.

الغراب الأسترالي

 

ده بقى طائر دمه حامي وطول السنة هادي وأليف لكن يجي في موسم التزاوج يتحول لسفاح حقيقي ويهاجم أي حد يقرب من بيته حتى لو على مسافة كبيرة أو بيقرب من الصدفة.

دلوقت قولنا أيه من الحيوانات دي مكنتش متخيل أنه ممكن يقتل بالشكل ده؟