كافيهات مصر الجديدة

 

كافيهات مصر الجديدة من أجمل الفسح والخروجات اللي ممكن تستمتع بيها على الإطلاق، فسواء كنت لوحدك وعايز تشتغل أو تقرأ بهدوء، أو كنت مع أصحابك، أو حتى عايز تفسح خطيبتك أو مراتك في مكان يجمع بين الرومانسية والشياكة وقريب في نفس الوقت فكل ده وأكتر بيتوفر في مجموعة كبيرة من الكافيهات اللي تعتبر في واحد من أرقى وأشيك أحياء القاهرة.

فلو عايز تعرف أفضل كافيهات مصر الجديدة هنقدم لك مجموعة مختارة سواء من الأشهر أو الأرخص وكمان اللي من غير منيمم تشارج أو اللي فيها أوبن اريا أو اللي ممكن إقامة احتفالات وأعياد الميلاد فيها.

 

ليه تروح كافيهات مصر الجديدة؟

 

حي مصر الجديدة من الأحياء الحديثة نسبيًا في مصر، فعمره 100 سنة بس أو أكتر بشوية، وتأسس على يد الإمبراطور البلجيكي إمبان صاحب قصر البارون اللي بيعتبر واحد من أشهر المناطق مش بس في مصر الجديدة ولكن في القاهرة كمان مع كل الغموض والسحر والتألق المحيط بيه، ومن أهم المميزات اللي تشجعك على الاستمتاع بالكافيهات في مصر الجديدة:

·         سهولة الوصول الشديدة لحي مصر الجديدة من أي مكان في القاهرة، وخصوصًا كمان بعد افتتاح خط مترو الأنفاق في هليوبوليس وهارون واللي تابعة للخط الثالث.

·         هتستمتع بالشوبينج في مجموعة متنوعة جدًا من المولات والمحلات اللي بتقدم جميع المستويات بلا أي مبالغة فهتلاقي المستورد والمصري وللشباب والأطفال والسيدات فهي غنية جدًا بالأسواق التجارية اللي بتعتبر وجهة أساسية لأي حد عايز يشتري حاجات كويسة وبأسعار مناسبة.

·         حي مصر الجديدة من الأحياء القريبة جدًا من مطار القاهرة الدولي وممكن خلال 10 دقائق تكون هناك وخصوصًأ بعد إعادة تأسيس الطرق وإقامة الكباري اللي خففت الزحمة جدًا.

·         تقدر وإنت في كافيهات مصر الجديدة تفكر في زيارة مجموعة متنوعة من الأماكن المميزة جدًا زي الميريلاند وقصر البارون والمعبد اليهودي وكمان مكتبة مصر الجديدة.

ربما يهمك أيضًا

مطاعم مصر الجديدة

كافيهات للشغل والمذاكرة في القاهرة

 

أفضل كافيهات مصر الجديدة أوبن اريا

وهي الكافيهات اللي موجود فيها جزء في الهواء الطلق، ودي غالبًأ بتقدم شيشة ولكن طبعًا بعد انتشار الكورونا وحظر الشيشة الموضوع اختلف، ومن أفضل كافيهات مصر الجديدة أوبن اريا:

 

كافيه سيلنترو

 

وهو واحد من أفضل كافيهات مصر الجديدة أوبن اريا واللي ممكن تستمتع فيه بمجموعة متنوعة من المشوربات الغنية، وكمان بيدقم كيك طازة ومتنوع من إعدادع، وممكن إقامة حفلات فيه، فهو بيجمع بين ميزتين مهمين جدًا وهي إنه أوبن اريا وكمان ممكن الحجز واستقبال أي عدد تحتاجه، وكمان مفيهوش مينمم تشارج.

العنوان: شارع عبد الحميد بدوي في مصر الجديدة.

التليفون: 0222661606

 

كافيه ذا ديستريكت

 

وهو من الأماكن شديدة التميز واللي قريبة من مصر الجديدة ومدينة نصر في الوقت نفسه، وهتلاقي فيه اجمل كوب قهوة تركية على الإطلاق، وكمان بيقدم وجبات إفطار سواء ليك أو للأطفال قبل المدرسة لإنه بيفتح من بدري جدًا، وكمان هتلاقي مجموعة من أطباق التحلية المتنوعة ومشروبات مميزة، وأجمل حاجة هناك الكيك المتنوع.

العنوان: طريق النصر في مساكن شيراتون.

التليفون: 01064809193

 

كافيه مجمع تيفولي بلازا

 

وده من الوجهات المميزة جدًا لو معاك أطفال، لإن فيه أجمع مجمع ألعاب في كافيه على الإطلاق، وبيقدم مجموعة متنوعة من المشروبات الباردة والدافئة، وكمان ساعات العمل فيه كبيرة جدًا من 9 صباحًا إلى واحدة منتصف الليل، علشان كده ممكن تفطر فيه الصبح أو تطلب وجبة سريعة على الغدا، وطبعًا الأوبن اريا هناك محاطة بمناظر مبهرة جدًا.

العنوان: شارع عمر بن الخطاب- أرض الجولف - مصر الجديدة

التليفون: 0222901028

 

ربما يهمك أيضًا

أفضل كافيهات المهندسين

أحلى كافيهات الزمالك

 

أفضل كافيهات مصر الجديدة من غير مينمم

ودي في الحقيقة متنوعة جدًا برضه في مصر الجديدة، وأسعارها كمان مش مرتفعة قوي، يعني الخروجة الحلوة ممكن تتكلف من 50-100 جنيه وهتستمتع فيها بالواي فاي والحلويات وكمان في بعضها بيقدم فقرات ترفيهية، ومن كافيهات مصر الجديدة من غير مينمم:

 

كافيه ستار باكس Starbucks

وده واحد من أشهر كافيهات مصر الجديدة اللي بيقدم خدمات متنوعة جدًا، فهتلاقي اللاتيه هناك ملهوش حل وبيجيلوا الناس من كل مكان في مصر، وكمان القهوة هناك بنكهة خاصة، وفيه بعض فروع ستار باكس بمينمم لكن فرع مصر الجديدة بيوفر لك خدمات كويسة من غير مينمم وبأسعار معقولة ومنطقة جلوس راقية جدا وكمان فطائر طازة وشهية مش ممكن تندم عليها، وكمان بيوفر لك واي فاي.

العنوان: طريق الاوتستراد، مساكن شيراتون، مربع 1254 ف.

التليفون: 0120160571

 

كافيه بينوس

وهو واحد من الكافيهات المشهورة جدا والمميزة في مصر الجديدة، وبيوفر لك مشروبات متنوعة وحلوى وآيس كريم، وكمان متاح مشروبات للأطفال وبسكر الريجيم سواء لكبار السن أو اللي عاملين ريجيم، وموجود كمان وجبات خفيفة متنوعة سواء للإفطار أو ساندويتشات للغدا وكمان أنواع مميزة من الشوربة.

العنوان: شارع عمر بن الخطاب في مصر الجديدة.

التليفون: 022482390

 

كافيه كوستا

وهو واحد من أشهر الكافيهات هناك وعليه دايما إقبال، ورغم ذلك الخدمة مميزة جدًا ومتحسش بالزحمة، وهو مش بيفرض مينمم تشارج ولكن في أيام الأجازات والأعياد لازم تطلب أي نوع من الكيك إلى جوار المشروبات المفضلة.

وهو من الأماكن اللي بيلجأ ليها كتير من اللي عايزين يعملوا حفلات لإنه واسع جدًا وفيه منطقة مفتوحة، وموجود كمان فقرة كاريوكي بيستمتع بيها الأطفال والكبار.

العنوان: شارع الميرغني، روكسي، مصر الجديدة.

التليفون: 0224802216

 

كافيه سينابون

وده في الحقيقة ممتع جدًا ومثالي قوة للناس الرايقة اللي بتحب القهوة الفرنسية والمخبوزات الطازة واللي أول ما تدخل هتنبهر بريحتها، بالإضافة طبعا للمشروبات المتنوعة جدا سواء ساخنة أو باردة، وهو موجود فرع منه في مصر الجديدة وفرع في مدينة نصر

العنوان في مصر الجديدة: 102 ب شارع المرغني، هليوبوليس، القاهرة

التليفون: 01271111093

 

وفي النهاية بعد لما اتعرفنا على أفضل كافيهات مصر الجديدة وعرفنا التنوع الموجود فيها سواء في الكيدز اريا أو الاوبن اريا وكمان مشاهدة المباريات الدولية وغيرها من مميزات، ممكن تقترح إيه كمان من الكافيهات اللي تجربتك فيها كانت مميزة جدًا؟

 

ربما يهمك أيضًا

كافيهات جزيرة المعادي

كافيهات على النيل