قصة الـ 1000 دولار

سمعت طبعا عن قصة ال١٠٠٠ دولار اللي بيدفعها بعض المصريين وهما داخلين الإمارات.

وعارفين إنك محتار، ناس بتقول حقيقة وناس بتقول كذب ناس بتأكد وناس بتنفي وأنت مسافر وقلقان.

معانا في يالابوك هنفهمك الفوله ونشرحلك الموضوع ببساطة.

أيه موضوع الـ1000 دولار

بص يا ياسيدي.. الموضوع حقيقي بالفعل لكن مش بيطبق على كل الناس.. كما إن قواعد تطبيقة مرنه وغير خاضعة لقواعد عامة.

المشكلة إن كتير من المصريين نتيجة للأزمة الإقتصادية بدئوا يروحوا الإمارات بعضهم بيشتغل بشكل غير قانوني .. وده تسبب في مشكلة لدولة الإمارات فجت فكرة ال ١٠٠٠ دولار

وهو مبلغ بيطلب من الأشخاص المشكوك في كون دخولهم للإمارات هيصاحبه مخالفة للقانون بكسر الفيزا .. فبيتم عملية فلترة للتقليل من دخول الأشخاص المشكوك في أمرهم.

مين هيطبق عليه القرار

هتلاقي مثلا حملة الشهادات العليا والأسر اللي مرسل لها دعوات من قبل ذويها اللي عايشين في الامارات والسيدات غالبا لا يطلب منهم إجراءات إضافية ولا يطلب منهم أي دفع.

في المقابل اصحاب الشهادات المتوسطه او غير الحاصلين على شهادات او العمال المسافرين بدون عقد بيتم إيقافهم وتطبيق الإجراءات دي عليهم.

وبكده هتلاقي انك لو سمعت من صديقك اللي دخل الامارات عادي هيقولك ال١٠٠٠ دولار اشاعة بينما لو سمعت من حد تاني ممكن يقولك لا والله رجعت بسبب ال١٠٠٠ دولار والاتنين صادقين.

في النهاية بنقولك إنك لو التزمت بالتعليمات السليمة والقانون في الفيزا او الدعوة الموجهه لك مافيش أي داعي للقلق من جهتك.

ودي كانت قصة ال١٠٠٠ دولار.

الوكيل الحصري في الإمارات  

شركة الماسة فن للسياحة و السفر

الرميلة 1  بجوار الحوت سوبر ماركت

عجمان - الإمارات العربية المتحدة

تليفون  0544447502 - 0551338795

واتس 0544447502 - 0551338795

اللوكيشن عل خرائط جوجل shorturl.at/kxNZ8