أفضل فنادق العلمين

الإقامة في واحد من أفضل فنادق العلمين هتخليك تحس إنك في مدينة أوروبية تتمتع بكل عناصر الإبهار والأناقة والرفاهية اللي ممكن تتخيلها، فسواء كنت بتخطط لشهر عسل مميز جدًا، أو عايز تقضي أجازة من الخيال، فالعلمين من المناطق اللي تم تطويرها في الألفية الثالثة وبقت فعلًا من أجمل المدن السياحية في مصر.

 

ليه تروح مدينة العلمين؟

مدينة العلمين واحدة من مدن الجيل الرابع اللي تم تصميمها علشان تكون على أحدث طراز معماري ووجهة سياحية مميزة سواء للمقيمين في مصر أو الوافدين، وبيتخطط لها علشان تكون مدينة الأحلام بمدن ترفيهية متنوعة وأبراج تنافس مدينة دبي ومشروعات عملاقة لجذب الكثافة السكانية بعيد عن القاهرة وإسكندرية.

فهي بتقع على الطريق الدولي على بعد 4 ساعات بس من القاهرة وكمان قريبة من إسكندرية وتعتبر ضمن حدود مرسى مطروح، ومن أهم الأنشطة هناك:

1. البحر طبعًا:

البحر هناك مختلف تمامًا عن أي مكان في مصر، فهو شديد النقاء ومتدرج ولكن الموج غالبًا بيكون مرتفع على الأطفال، ولكن الأنشطة المائية هناك ملهاش حل.

 

2. أماكن تاريخية:

متحف مفتوح بيرصد تاريخ مصر في الحرب العالمية الثانية وبقايا المعارك اللي قامت هناك، بالإضافة لمقبرة حرب العلمين وغيرها من آثار.

 

3. أماكن ترفيهية:

وأهمها الممشى السياحي المميز جدًا، ومنطقة الأبراج اللي بتنافس أبراج مدينة دبي وفيها ملاهي ترفيهية ومناطق تسوق وسينما وغيرها، وهتلاقي كمان متنزهات متكاملة على أرقى المستويات.

 

مقالات ذات صلة

أفضل فنادق الساحل الشمالي

فنادق برج العرب

أفضل فنادق محطة الرمل

أشهر مطاعم السمك في الإسكندرية

 

أفضل فنادق العلمين

العلمين فيها مجموعة ضخمة من الفنادق على عكس المتوقع لمدينة تم تطويرها في الألفية الثالثة زيها، ولكن هتلاقي عشرات الخيارات الموجودة واللي ممكن تختار منها اللي يناسبك، لأنها فعلًا تستحق تكون وجهتك اللي جاية سواء لمصيف أو لشهر عسل، ومن أفضل فنادق العلمين:

 

 كريستيل إن - مجموعة الماسه

كريستيل إن مجموعة الماسة مش مجرد فندق، فهو بيعتبر من المعالم الأساسية في العلمين، يعني حتى لو مش هتاخده مقر إقامة فلازم تقضي يوم هناك أو تدخل المطعم، فهو طبعًا بيوفر لك شاطئ خاص للضيوف مع حمام سباحة مميز جدً، وهو قريب قوي من المطار وبيستمتع بإطلالات خرافية على المدينة.

العنوان: العلمين، الساحل الشمالي، مارينا، 51718 العلمين، مصر

التقييم: 8.6 جيد جدا

 

ريكسوس العلمين

مع برنامج ترفيهي مميز مش هتحس إنك عايز تخرج من الفندق تروح أي مكان، فالفندق بيوفر لك مجموعة من الأنشطة المناسبة لكل سن سواء للعائلة أو العروسين والأصدقاء، وكمان فيه نادي مخصص للأطفال، مع مجموعة متنوعة من العلاجات اللي هتخليك تحس بكل مشاعر الاسترخاء.

العنوان: الساحل الشمالي، سيدي عبد الرحمن، 99999 العلمين، مصر

التليفون: 01100000244

التقييم: 8.9 رائع

 

فندق بورتو مارينا  آند سبا

وهو واحد من أفضل فنادق العلمين فئة الخمس نجوم المميزة واللي بيستقبل السائحين من جميع أنحاء العالم، وبيقدم خدمات غاية في التميز والفخامة، وحمام السباحة فيه على شكل بحيرة ممكن تغنيك عن نزول البحر أصلا إذا كان موجه عالي، وهتلاقي فيه مطعم مذهل لأجمل الأكلات البحرية اللي مش ممكن تتخيلها.

العنوان: الساحل الشمالي، الكيلو 105، طريق إسكندرية، مرسى مطروح، مارينا، 99999 العلمين، مصر

التليفون: 0464452711

التقييم: 6.9

 

The G Hotel

وهو على بعد 40 كم بس من بورتو مارينا المنتجع السياحي الأشهر في الساحل الشمالي ومقر أجمل حفلات الصيف، وهتلاقي فيه نادي للأطفال مع حمام سباحة كبير جدا ومميز، ومتوفر بوفيه إفطار يومي، وقريب من المقبرة العسكرية الألمانية ومن متحف العلمين.

العنوان: مرسى مطروح، الكيلو 134 إسكندرية، سيدي عبد الرحمن، 51718 العلمين، مصر

التليفون: 0464681500

التقييم: 7.7 جيد

 

Tolip North Coast Hotel من أفضل فنادق العلمين

لو عايز فسحة متكاملة فيها حدائق وحمام سباحة وملاهي وبحر، فأكيد فندق توليب العلمين هيكون من الترشيحات المميزة ليك، فهو بيتمتع بمنطقة شاطئية خاصة وحمام سباحة وحديقة بالإضافة طبعا للواي فاي، وقريب جدا من زهران مول المميز بخدماته الترفيهية وكمان فيه بوفيه إفطار يوميًا.

العنوان: مارينا العلمين، مركز العلمين، إسكندرية، مصر

التليفون: 0464142880

التقييم: 8.1 جيد جدا

 

Prime Residence New Alamein

وهو من أكتر الفنادق اللي عليها إقبال في العلمين بسبب الخدمة المميزة والاستقبال وكمان السعر التنافسي، وهو بيوفر كمان مناظر على البحر وشاطئ قريب جدًا وعلى بعد 7 كم بس من بورتو مارينا وقريب كمان من مطار برج العرب الدولي.

العنوان: العلمين الجديدة، مارينا، 51718 العلمين، مصر

التقييم: 10 استثنائي

 

Sea Gull Marina Hotel

وهو من أفضل فنادق العلمين المميزة بديكوراتها فائقة الجمال مع خدمات وعلاجات متنوعة، وإطلالات مميزة على البحيرة وعلى البحر وحمام السباحة، وكمان إفطار كونتننتال حلال، ولو عايز تروح بورتو مارينا فهتلاقيها على بعد 2.3 كم بس

 العنوان: العلمين الجديدة، مارينا، 51718 العلمين، مصر

التقييم: 10 استثنائي

 

وبعد ما اتعرفت على أفضل فنادق العلمين فإننا بنرشح لك جدًا زيارة المدينة في أقرب وقت خصوصًا قبل ما تكون زحمة وأسعارها أعلى لأنها تعتبر أقرب للقاهرة من مرسى مطروح وكمان بحرها ملهوش حل.

 اقرأ أيضًا

فندق شاطئ عايدة

 فندق العلمين 6 ليال بمليون جنيه