فنادق رخيصة في مطروح

لو بتدور على فنادق رخيصة في مطروح فجمعنا لك مجموعة من أرخص وأفضل أماكن الإقامة في مرسى مطروح للاستمتاع بأجازة صيف طويلة وبأقل قدر من التكلفة.

ومدينة مرسى مطروح من المحافظات المصرية الساحلية المميزة جدا، واللي بيأكد كل اللي راحلها إنها تشبه جمال المالديف في نقاء وسحر المية والمناظر الطبيعية، وهي على بعد 240 كم بس من غرب إسكندرية وفيها مطار دولي، ومن أشهر شواطئها عجيبة وكليوباترا وشاطئ الغرام وغيرها، وفيها أماكن سياحية وترفيهية متنوعة جدًا.

 

فندق رويال كراون مرسي مطروح

وهو من المواقع شديدة التميز في مرسى مطروح وقريب من الشاطئ وعلى بعد 18 كم فقط عن شاطئ كليوباترا الشهير، ومتوفر فيه حجرات عائلية مميزة ومناسب جدًا للأزواج عمومًا وبيتمتع بأجواء عائلية مناسبة للأطفال والكبار، وهتلاقي موجود كمان واي فاي مجاني وتكييف وخدمة غرف مميزة.

العنوان: كورنيش مرسى مطروح، 51511 مرسى مطروح

التقييم: 6.8

السعر في الليلة الواحدة: 393 جنيه مصري

 

مقالات ذات صلة

دليلك في السفر إلى مرسي مطروح

مرسى مطروح.. تأخذك إلى عالم المالديف الساحر

غرامة وحبس عند سرقة رمال شواطئ معينة.. تعرف عليها

أغلي فندق في مطروح 

 

North Coast Princess Al Fayrouz

وهي من الشقق شديدة التميز واللي بيقبل عليها المصطافين بكثافة بسبب قربها من البحر والحالة الجيدة جدًا للغرف ومختلف أنحاء الشقة، وكمان بتوفر لك خدمة واي فاي مجانية، مع مستلزمات المطبخ وكل الوحدات مكيفة وإطلالات مبهرة على المدينة، وهي بعيد عن شاطئ كليوباترا بحوالي 22 كم

العنوان: علم الروم - مرسى مطروح

التقييم: 8.3  جيد جدا

السعر في الليلة الواحدة: 392 جنيه مصري

 

 

برج الحرة شاطئ الفيروز

بإطلالة مميزة جدا على البحر وفرش شقة مناسب جدًا بيعتبر البرج ده برضه من الأكثر إقبالًا لو عايز فنادق رخصية في مطروح أو أماكن إقامة على قد القيد وفي الوقت نفسه تخليك تستمتع بأجازتك جنب البحر، وهي قريبة من شاطئ كليوباترا وشاطئ عجيبة.

العنوان: شارع الإذاعة والتليفزيون أمام شاطئ الفيروز- مرسى مطروح

التقييم: 8  جيد جدا

السعر في الليلة الواحدة: 353 جنيه مصري

 

 

Apartment in Andalusia Village

وهي من الشقق الفندقية المميزة وليها مساحات على البحر ولكن لو عايز أي شاطئ خارجي بتضطر تركب مواصلات أو سيارة أجرة، ولكن الخدمات فيها مميزة جدا والفرش أنيق، وبتوفر كمان حمامات سباحةوعلى بعد 11 كم بس من شاطئ كليوباترا ومتوفر خدمة تأجير سيارات.

العنوان: قرية الأندلسية، الطابق الرابع، 51511-مرسى مطروح

السعر في الليلة الواحدة: 411 جنيه مصري

 

 

North Coast Princess El shorta

وهي من الشقق الفندقية المميزة وليها إطلالات على البحر، وهتلاقي فيها مطبخ مجهز، وبعض الشقق بتحتوي على غرفتين والبعض 3 وفقا لاختيارك وفيه صالة جلوس مشتركة وخدمات متنوعة وقريبة من مطاعم ومناطق تنزه مختلفة في مطروح.

العنوان: مطروح تقسيم الشرطة،، 51511 مرسى مطروح

السعر في الليلة الواحدة:  329 جنيه مصري

 

 

برج المدينة المنورة مرسى مطروح

بموقع مميز جدًا في شارع إسكندرية واحد من أشهر وأهم شوارع مرسى مطروح فإنت مش هتحتاج تاخد أي مواصلات للخروجات الليلية في المصيف، فكل اللي انت عايزه سواء سينما أو مولات أو أسواق تلاقيه في شارع إسكندرية، كمان قريبة جدًا من البحر، وعلى بعد 23 كم بس من شاطئ عجيبة.

العنوان: شارع إسكندرية، مرسى مطروح

السعر في الليلة الواحدة: 621 جنيه مصري

 

 

HLC Apartments

وهي بتوفر لك شقة بالكامل مساحتها نحو 90 م وهتلاقي كمان إطلالة مذهلة على البحر، وقريبة جدا من شاطئ عجيبة اللي بيعتبر من أجمل شواطئ مرسى مطروح، وطبعا ممكن تصطحب معاك حيوانك الأليف من غير أي مشكلات، والشقة مكونة من غرفتين وكل غرفة بها سريرين.

العنوان: طريق شارع الأبيض العام، مرسى مطروح

سعر الليلة الواحدة: 305 جنيه مصري

 

برج جولدن تاور

وهو من الأماكن القريبة جدا من شاطئ كليوباترا وعلى بعد 3 كم بس يعني ممكن تتمشاها في حوالي 15 دقيقة، ويعتبر قريب كمان من شاطئ عجيبة وعلى بعد 21 كم بس، وطبعا الشقة مزودة ببلكونة بإطلالة على البحر وطبخ مجهز والشقة في البرج ده 3 غرف واسعة.

العنوان: مطروح- شارع القصر - أمام الشرطة العسكرية

السعر في الليلة الواحدة: 316 جنيه مصري

 

 

إيه أجمل شواطئ في مرسى مطروح؟

شواطئ مرسى مطروح كلها أجمل من بعض، ولكن أكثرها شهرة:

·         شاطئ الأُبيِّض: وده ميته شديدة الصفاء والنقاء والموج فيه عالي شوية وممكن تمارس فيه رياضات مائية متنوعة.

·         شاطئ عجيبة: واسمه كده بسبب وجود ظواهر عجيبة هناك وممكن تزور فيه مجموعة مميزة من الآثار الرومانية من الحرب العالمية.

·         شاطئ روميل: وهو من الشواطئ الهادية والمناسبة للعائلات والاطفال للسباحة واللعب، ومتوفر فيه كمان ركوب خيل وألعاب مائية، وهو الأقرب من وسط المدينة.

·         شاطئ الفيروز: وده برضه موجه هادئ جدا ومناسب قوي للأطفال والاسترخاء فيه متعة وبيتقدم وجبات خفيفة على الشاطئ.

·         شاطئ كليوباترا: وده بالإضافة للمياه المذهلة فيه إلا إنك هتشوف حمام كليوباترا المتميز بدرجة حرارة دافية صيف وشتا واللي كان من أسرار كليوباترا.

·         شاطئ الغرام: وهو الأبعد على الإطلاق عن وسط المدينة ولكنه زحمة دايما ومن مميزاته إن المية محيطة بيه على شكل جزيرة غير طبعا شهرته بغناء ليلى مراد على الصخرة الموجودة فيه.

 

وبعد لما عرفت فنادق رخيصة في مطروح وأجمل الشواطئ فيها، بنأكد لك طبعا إن شهر يوليو وأغسطس هم الأكثر إقبالا على الإطلاق وممكن الأسعار فيهم تختلف جدا، ولكنها حلوة جدا طول السنة.