مطاعم شارع المعز

مطاعم شارع المعز بتختلف تمامًا عن أي مطاعم تانية في أي مكان، سواء في القاهرة أو في أي مدينة مصرية أو خارج مصر، فهناك مش هتاكل بس أجمل أكل ممكن تاكله في حياتك، لأ كمان هتشوف وتسمع وتطلع على حكايات وقصص ومواقف مرّ بيها الشارع ده على مدار أكتر من 1000 سنة.

 

ستقرأ في هذا المقال

إيه هو شارع المعز

أفضل مطاعم شارع المعز

مطعم الضامن شارع المعز

مطعم الشيف

مطعم شيخ العرب

مطعم ومقهى الفيشاوي

مطعم ومقهى صاحب السعادة

إيه أفضل وقت لزيارة شارع المعز

إيه أقرب جراج لشارع المعز

 

إيه هو شارع المعز؟

 

أول اسم كان للشارع ده هو الشارع الأعظم، ويعتبر قلب القاهرة القديمة وأقدم شوارعها وتم تطويره في العصر الحديث بحيث يكون متحف مفتوح يشمل مجموعة من أهم الآثار الإسلامية والتحف المعمارية اللي بتروي تاريخ واحدة من أعظم الفترات اللي مرت بيها مصر والدول العربية والإسلامية.

فرغم إن الشارع باسم الخليفة الفاطمي المعز إلا إنه برضه بيحتوي على آثار مملوكية وحكايات عن الغزو المغولي والتتاري وغيرها من معارك أثبت فيها جنود مصر إنهم دايمًا قد تحمل المسؤولية وقادرين على صد كل الغزاة.

وبيمتد شارع المعز أو الشارع الأعظم من باب زويلة في الجنوب إلى باب الفتوح في الشمال وكان في وقت الدولة الفاطمية هو المرز الرئيسي للمنشآت التعليمية والطبية والدينية والسكنية كمان، ومع زيادة الاهتمام بإعادة التاريخ القديم تم تطوير الشارع وترميم الآثار فيه بحيث يكون واحد من أجمل المزارات السياحية المجانية المفتوحة لكل زوّار القاهرة.

وأصبح اسمه شارع المعز بدءًا من سنة 1937 مع التطورات التاريخية في مصر وقتها والروح الوطنية والإسلامية وإعادة الفضل لمنشئ ومؤسس القاهرة.

أفضل مطاعم شارع المعز

فيه مجموعة متنوعة من مطاعم شارع المعز اللي قدرت يبقى عندها شعرة عربية كبرية مش بس على مستوى القاهرة أو حتى مصر وبييجي لها زوّار من مختلف أنحاء الوطن العربي، ومن أهم المطاعم دي:

 

ذات صلة

أقدم شارع في مصر

شارع خان جعفر.. بقاله 1000 سنة من غير تغيير

أماكن للخروج في القاهرة

 

1. مطعم الضامن شارع المعز:

 وهو متخصص في الكبدة والمخ ومن أشهر مطاعم شارع المعز ومشهور جدًا بجودة أكله والأسعار المناسبة في الوقت نفسه، وممطن تطلب وجبات أو كليو على بعضه، وهو ليه فرع وحيد بس في الأزهر أمام العسكري، ومواعيد العمل فيه من 12 ظهرًا إلى 12 منتصف الليل.

العنوان: شارع المعز لدين الله الفاطمي أمام العسكري.

رقم التليفون: 01005756910

 

2. مطعم شيخ العرب:

 

وهو بيقدم لك مجمعة من أفضل المعجنات المتنوعة سواء شرقية أو غربية بطابع مصري أصيل وطبعًا فيه توصيل للطلبات مع مكرونات متنوعة وكمان فطائر حلو وحادق على ذوقك، وهو برضه من مطاعم شارع المعز المميزة جدًا واللي بييجل لها زوّار من أماكن كتير.

العنوان: 47 شارع سوق السلاح، الدرب الأحمر، السيدة عائشة.

رقم التليفون: 01124738737

 

3. مطعم الشيف:

 وده متخصص في جميع أنواع الفطائر والبيتزا الشرقي، وهتلاقي كمان حوواشي اسكندراني وفطير مشلتت وفطائر حلوة وغيرها كتير، واسعاره مناسبة جداً ومن الأماكن المميزة في أقدم شوارع القاهرة، وهو مفتوح برضه من 12 مساء لـ12 منتصف الليل.

العنوان: 112 شارع المعز بجوار جامع السلحدار في الأزهر.

رقم التليفون: 01067961192- 01284007979

 

4. مقهى ومطعم الفيشاوي:

 

وده طبعًا غني عن التعريف، فهو واحد من أقدم مقاهي القاهرة ومطاعمها وأنشئ سنة 1797 ورغم السنين الطويلة دي إلا إن ليه رونق وأهمية خاصة جدًا خصوصًا مع التطورات الدائمة فيه مع الحفاظ في الوقت نفسه على الطابع الأثري والفني فيه، وهو بيقدم وجبات شرقية متنوعة وإطلالة خرافية على مسجد الإمام الحسين، وهو بعيد عن شارع المعز بـ200 متر فقط.

 

5. مطعم ومقهى صاحب السعادة:

 

وهو مش بيقدم بس وجبات على شكل ولائم متنوعة بين الممبار والسجق الشرقي والفراخ المشوية والاستيك وغيرها، ولكن كمان بينظم حفلات تنورة وإنشاد وفي المناسبات بيكون خرافي جدًا من حيث الزينة والإضاءة والإطلالات على أجمل أماكن شارع المعز.

العنوان: 121 شارع المعز لدين الله الفاطمي، الجمالية

التليفون: 01286551103

إيه أفضل وقت لزيارة شارع المعز؟

شارع المعز ممكن تزوره في أي وقت خلال السنة سواء في الصيف أو الشتاء، فهو مزارات مفتوحة طوال الوقت وتقدر تستمتع بصحبة سعيدة فيه في أي وقت، فالقاهرة عموما مناسبة للزيارة صيف وشتاء، ففي الصيف هي المكان المفضل للسياح من الدول العربية، ولكن في الشتاء بيفضلها الأجانب أكتر، وفي كلا الحالتين هتلاقي كل مكان في الشارع بيرحب بالزوّار من جميع الجنسيات.

 

إيه أقرب جراج لشارع المعز؟

 

طبعا دخول السيارات ممنوع في شارع المعز وأصلا مفيش مكان للركن، علشان كده يا إما هتوصل بالمواصلات أو سيارة أجرة، ولو عايز تركن عربيتك فأقرب وفضل مكتن هو عند باب الفتوح، وسعر الركن ثابت مش بالساعة، يعني ممكن تقضي اليوم كله بـ5 أو 10 جنيه وفقًا للسعر ساعتها.

 

وبعد ما عرفت أفضل مطاعم شارع المعز فدلوقتي حاول قبل ما تروح تحجز مكان خصوصًا لو في أجازة الصيف أو الأعياد وطبعًا لو هتروح في شهر رمضان لازم تروح بدري جدًا.