أقرب محطة مترو من موقف عبود
أقرب محطة مترو من موقف عبود الموجود في شبرا الخيمة بمحافظة القاهرة مصر هي محطة المظلات، وهي المحطة رقم 18 في خط المترو الثاني، وبييجي بعدها محطة كلية الزراعة وآخر حاجة شبرا الخيمة.
وموقف عبود معروف بكونه واحد من أكبر أماكن المواصلات مش في القاهرة بس لكن على مستوى الجمهورية، وهو من الأماكن اللي بتربط القاهرة بكل المحافظات وحتى المناطق الداخلية، فمنه تقدر تروح في أي محافظة من الشمال للجنوب وحتى الساحل الشمالي، وفيه كمان أكثر من اختيار، يعني هتلاقي سوبر جيت أو ميكروباصات أو ميني باصات وغيرها.
.png)
هل هتحتاج تركب من المظلات إلى عبود؟
.jpg)
المسافة بين محطة المظلات اللي تعتبر أقرب محطة مترو من موقف عبود حوالي 10 دقائق مشي، فممكن تتمشاها لو مفيش معاك شنط كتير أو أطفال، لكن لو عايز تركب فهتلاقي ميكروباصات كتير بين محطة المترو والموقف لإنه وجهة مفضلة لكتير من الناس خصوصًا في مواسم الأعياد وزيادة حركة التنقلات بين المحافظات.
موضوعات ذات صلة
هل فيه مطاعم في عبود ؟
كتير من الناس بيدوّر على أقرب محطة مترو من موقف عبود علشان السفر والانتقالات والأتوبيسات سواء هو نفسه مسافر أو هيبعت حاجة مع الأتوبيس، ولكن ده ميمنعش إن فيه نسبة من الناس ممكن تتبسط جدًا حوالين موقف عبود خصوصًا لو جاية من محافظة وهيكون فيه وقت انتظار قبل ركوب مواصلة تانية.
ففعلا عبود عمومًا والمنطقة اللي حوالين الموقف خصوصًا بتتميز بأماكن خروج وخدمات متنوعة جدًا، فمنطقة عبود مشهورة بكونها البوابة الشمالية لمحافظة القاهرة وموجود فيها كوبري عبود المشهور وهو عبارة عن كوبري مشاة اللي بيمر فوق تجمع كبير جدًا من السكك الحديد.
وكمان من الأماكن اللي مشهورة قوي في عبود هتلاقي حاتي الصحابة وحضرموت البخاري و3 ستارز وتوم اكسبريس وجاد شبرا وكبابجي العربي وأسماك الأمير وغيرها كتير، يعني سواء هتستنى الأتوبيس أو هتجيب أكل للسفر أكيد هتلاقي كل اللي إنت عايزه.
إزاي تحجز من موقف عبود؟
بعد لما عرفت أقرب محطة مترو من موقف عبود، فلو عايز نظام الحجز في واحد من أتوبيسات أو ميني باصات في موقف عبود فده بيكون على حسب بُعد المحافظات، يعني لو محافظة بعيدة ممكن تحجز قبلها بيوم وممكن تطلب رقم التليفون للاستفسار عن وجود أماكن، أما لو محافظة قريبة فبيتم خروج أتوبيسات على فترات منتظمة في اليوم أو لما بيكتمل العدد في الأتوبيس.
وعمومًا للحجز والاستفسار عن أي أتوبيس أو ميني باص في موقف عبود ومواعيد الخروج لأي محافظة وكمان الأسعار ممكن تسأل على رقم التليفون ده: 0222031057
وعمومًا سعر التذاكر بيكون ثابت إلى حد كبير إلا في حالة وجود تغيرات على سعر البنزين والسولار فهنا بيتم رفع التذكرة بالتدريج سواء في السوبر جيت أو المواصلات التانية، وحاول تاخد بالك من السفر في الأعياد والمواسم بيحتاج إنك تروح بدري شوية للحجز لإن ممكن متلاقيش مواصلات من الضغط عليهم في المناسبات.
كيف أعرف أقرب محطة مترو لموقعي
