أقرب محطة مترو من المتحف القومي للحضارة المصرية
أقرب محطة مترو من المتحف القومي للحضارة المصرية هي محطة مار جرجس في الخط الأول، وكمان محطات الزهراء والملك الصالح يعتبروا قريبين خصوصًا إن متوفر ميكروباصات وأتوبيسات من هناك لمدينة الفسطاط ولجوّة المتحف.
وتم افتتاح المتحف جزئيا سنة 2017، ولكن الافتتاح الرسمي كان 3 أبريل 2021 مع عرض المومياوات الملكية المهيب اللي انتقل من المتحف المصري للمتحف القومي للحضارة.
إيه هو المتحف القومي للحضارة المصرية؟
هو عبارة عن مركز ثقافي متكامل مش مجرد متحف، ورغم ذلك فهو تم تأسيسه ليكون أكبر متحف على مستوى العالم بقدرة استيعابية تصل إلى 50 ألف قطعة وعلى مساحة مدينة الفسطاط التاريخية اللي بناها عمرو بن العاص سنة 640 ميلادية على مساحة 25 فدان.
والمتحف قريب جدًا من حصن بابليون وممكن منه تشوف عين الصيرة مباشرة من قلب الفسطاط التاريخية.
.png)
موضوعات ذات صلة
حكاية المتحف القومي للحضارة المصرية 
تم وضع حجر الأساس للمتحف القومي للحضارة المصرية سنة 2002 وهو من المشروعات الثقافية الضخمة والأولى اللي تم تخصيصها فقط للحضارة المصرية بكل مراحلها وأنشطتها سواء النحت أو الخزف أو النسيج والنجارة وغيرها، بالإضافة للمراحل المتعددة اللي مرت بيها من أكثر من 7 آلاف سنة، فهتلاقي فيه أقسام منفصلة عن:
· الحضارة القديمة قبل الأسر
· عهد الأسر الملكية والتي يُطلق عليها الفرعونية
· المرحلة اليونانية الرومانية
· الآثار القبطية
· العصور الوسطى
· آثار الحضارة الإسلامية المتنوعة
· الآثار الحديثة والمعاصرة.
كمان هتلاقي المتحف مقسم لمواضيع متنوعة وهي:
· فجر الحضارة
· النيل
· الكتابة
· الدولة والمجتمع
· الثقافة المادية
· المعتقدات والتفكير
· معرض المومياوات الملكية
هل فيه خدمات ترفيهية في المتحف القومي للحضارة المصرية؟
كتير من الناس عايزة تعرف أقرب محطة مترو من المتحف القومي للحضارة المصرية وهل بيقدم خدمات ترفيهية ولا لأ، وفعلا زي ما قلنا محطة مار جرجس هي أقرب محطة مترو وبتبعد 3 كم بس، كمان محطتي الزهراء والملك الصالح وبتبعد 4 كم فقط وممكن المشي منها أو ركوب ميكروباص أو أتوبيس.
أما عن الخدمات الترفيهية ففعلا من المتوقع وجود مركز ترفيهي كبير في المتحف القومي لجذب الزوار خصوصًا من الأطفال، وكمان هتكون موجودة مراكز تجارية وخدمية.
مصادر المعروضات في المتحف القومي للحضارة المصرية
مصادر المعروضات في المتحف القومي للحضارة المصرية متنوعة جدًا، فأهمها جه من المتحف المصري وهي المومياوات الملكية واللي وصل عددهم إلى 18 ملك و4 ملكات واللي تم نقلهم في موكب مهيب كان محط أنظار العالم وأُطلق عليه اسم العرض الذهبي للفراعنة.
كمان تم نقل معروضات كتير من المتحف القبطي ومتحف الفن الإسلامي وقصر النيل ومتحف النيل ومتحف المجوهرات الملكية في الإسكندرية بالإضافة لوصول 5000 قطعة أثرية من الجامعة الأمريكية للمتحف.
هتعمل إيه في المتحف القومي للحضارة المصرية؟
بالإضافة لفرصة كبيرة في التعرف على كل التاريخ المصري في زيارة واحدة من فجر التاريخ للعصر الحديث فالمتحف برضه بيقدم مؤتمرات وأحداث ثقافية وفنية متنوعة بيتم الإعلان عنها في وقتها بالإضافة للخدمات الترفيهية والتجارية، وكمان الدخول رخيص جدًا بيوصل 10 جنية للمصري البالغ و5 جنيه للطلبة، والمواصلات سهلة مع محطات المترو القريبة وأي مواصلات بتروح الفسطاط هتوصلك للمتحف وهتكون قريب منه جدا.
أما لو حابب تروح بالعربية فالطريق سهل جدا وفيه هناك أماكن للتوقف خاصة بالمتحف وزواره بأسعار مخفضة لرحلة أسرية وشبابية سعيدة ومفيدة ورخيصة في الوقت نفسه.
أغلى قطع الآثار المصرية القديمة حول العالم
