فندق الزرافة جيراف مانور

 

فندق الزرافة جيراف مانور Girafe Manor hotel هو واحد من أجمل الفنادق اللي ممكن تزورها على الإطلاق، وده مش علشان الرفاهية المطلقة أو غرف النوم الفخمة، ولكن علشان هو تجربة مختلفة تمامًا وسط الطبيعة في مكان من ثلاثينيات القرن العشرين.

ففندق الزرافة مبني على الطراز البوتيكي من الفترة الاستعمارية ومتوفر فيه 10 غرف فقط للنزلاء وبيوفر لك أجمل رحلات سفاري ممكن تقوم بيها على الإطلاق.

 

موقع فندق الزرافة جيراف مانور Girafe Manor

يقع قصر فندق الزرافة في جنوب غرب نيروبي داخل موقع استثنائي للتفاعل مع الحياة البرية في كينيا وهي منطقة لانجاتا، والمطار الدولي على بعد 19 ميلًا واللي بيعتبر الوجهة الأساسية للسياح سواء اللي هيقوموا برحلات سفاري أو راجعين منها، وهو قريب كمان من حديقة نيروبي الوطنية ومتحف كارين بليكسين ودار أفيال ديفيد شيلدريك وغيرها.

 

إيه الساحر جدًا في فندق الزرافة؟

الفندق عبارة عن قصر فخم جدًا على مساحة 140 فدانًا من الغابات الأصلية، وتم تشييده سنة 1932 ليكون مقر إقامة السير ديفيد دنكان ولا يزال يحتفظ بتصميماته القديمة لتشعر تمامًا أنك تعيش في منزل أحد الأصدقاء وليس داخل فندق.

وهتلاقي الزرافات بالذات معك في كل وقت، فممكن تلاقيها بتبص من الشباك أو بتشاركك في الإفطار بالإضافة إلى التمشية معاها وسط الغابات.

ولكن رغم المتعة الكبيرة مع اللعب مع زرافات روتشيلد المهددة بالانقراض إلا إنه مش مجرد فندق للعب مع الزرافة ولكنه كمان نقطة انطلاق لأجمل رحلات سفاري مع فريق عنده خبرة في المجال من 20 سنة وأكتر وزيارة مجموعة من أجمل الأماكن في كينيا.

 

إيه المدة المناسبة لتمضية الأجازة في فندق الزرافة؟

يعني من يومين إلى 4 أيام على أقصى تقدير، لإن الليلة فيه تكلفتها مرتفعة شوية بتوصل 500 دولار في اليوم لشخصين، وكمان الخدمات حواليه مش كتير، علشان كده ممكن تحجز رحلات السفاري ليوم أو اثنين وتستمتع بالغابة والمناظر الطبيعية الرائعة وتخلَّص أجازتك في السريع.

 

إيه أهم المزارات اللي جنب فندق الزرافة؟

غابة Oloolua Forest:

ودي واحدة من أجمل الغابات في كينيا وبتتيح ممارسة أنشطة كتير جدًا فيها زي ركوب الدراجات والتمشية واستكشاف الطبيعة بالإضافة لمراقبة الطيور والاستمتاع بالشلالات، وممكن تروحها خلال 20 دقيقة بس من الفندق.

 

المنتزه القومي Nairobi National Park

وهي عبارة عن حديقة مفتوحة للحيوانات البرية الطليقة، وقريبة جدًا من حدود مدينة نيروبي، ومناسبة جدًا لزيارة الأطفال والكبار مع اللعب مع الحيوانات ومراقبتها في أماكن حياتها الطبيعية.

 

الخدمات والمرافق في فندق الزرافة جيراف مانور

لا يضم فندق الزرافة حمامات سباحة وصالات رياضية مثل الموجودة في فنادق أخرى داخل نيروبي ولكن الزرافات هي الأكثر إثارة للاهتمام بالإضافة للاستمتاع بالحياة البرية.

 

الطعام والشراب في فندق الزرافة

بيتم تقديم وجبتين في اليوم هما الإفطار والغداء داخل غرف مضيئة مزينة بالنجف الأصلي القديم مع شبابيك واسعة تسمح بدخول الزرافات، والمطبخ أوروبي حديث بيقدم أسماك طازجة ومعكرونة والحساء والسلطات وأنواع مختلفة من الحلوى والعصائر وموس الشوكولاتة وغيرها.

 

تحديث فندق الزرافة

فندق الزرافة دلوقتي يعتبر من أكتر الفنادق المرغوبة والمشهورة على مستوى العالم، وتم تجديده منذ سنة 2009 مع إعادة تصميم الديكورات الداخلية لكن مع الاحتفاظ بطابع الثلاثينات وتاريخها الساحر، وهتلاقي الحمام الأصلي على طراز فن الآرت ديكور والأثاث العتيق.

وفي عام 2011 تم إنشاء قسم جديد من القصر هو جاردن مانور The Garden Manor، وعلى الرغم من بنائه بعد 78 سنة من الفندق الأصلي إلا إنه نسخة طبق الأصل منه، وبيضم 6 غرف جميلة بأسماء أشهر الشخصيات في حقبة الثلاثينات.

 

التقييم والسعر والحجز في فندق الزرافة

الحجز في فندق الزرافة بيتم مباشرة مع إدارة الفندق على رقم 00254731914732، والعنوان بالظبط هو طريق نيومبي، لانغاتا، نيروبي، كينيا، أو ممكن الحجز من موقع الفندق مباشرة عن طريق الضغط هنا.

 

صدق أو ماتصدقش المعادي فيها محمية طبيعية.. صخور وغزلان وتعالب وانسى الأسود والأفيال