أقرب محطة مترو إلى مدينة نصر
فيه 3 محطات دلوقتي ممكن نقول على أي واحدة منهم أقرب محطة مترو إلى مدينة نصر، وهم محطة كلية البنات ومحطة الاستاد ومحطة أرض المعارض، وكلهم تابعين للخط الثالث.
فمدينة نصر واسعة جدًا وبتضم أحياء وميادين وشوارع متنوعة وكتير وبتبدأ من مصر الجديدة لحد القطامية، وفيها أكتر من كلية مهمة بالإضافة إلى أرض المعارض وقاعات المؤتمرات وغيرها، علشان كده كان لازم يتعمل حسابها في خط المترو الجديد.
كلية البنات أقرب محطة مترو إلى مدينة نصر المنطقة الشرقية
وهي الأقرب لمصر الجديدة وعلى الحدود بين المنطقتين تقريبًا، وممكن ركوب المترو من أي محطة ولو هيتم التبديل فهيكون إما في العتبة لو راكب الخط الثاني أو خط الجيزة، وفيه تبديل للخط الأول أو خط حلوان من محطة ناصر.
ومحطة كلية البنات قريبة جدًا من الكلية مسافة 10 دقائق مشي، وبتطل على شوارع أحمد تيسير ويوسف عباس وشارع خضر التوني وغيرها، وفيه قريب منها موقف ميكروباصات ممكن تركبه لأي منطقة في مدينة نصر أو مصر الجديدة.
ومحطة كلية البنات هي المحطة السادسة من نادي الشمس ورقم 8 لو هتركب من اتجاه العتبة.
.png)
موضوعات ذات صلة
أقرب محطة مترو لشارع لبنان المهندسين
أقرب محطة مترو من المتحف القومي للحضارة المصرية
محطة أرض المعارض أقرب محطة مترو لمدينة نصر المنطقة الغربية
وهي بتطل على شارع صلاح سالم وقدام أرض المعارض بالظبط، وكمان قريبة جدًا من أكتر من معلم في الشارع زي بانوراما 6 أكتوبر ودور القوات المسلحة المصرية ودخل استاد القاهرة الدولي ودار القوات الجوية وغيرها، وتعتبر محطة أرض المعارض رقم 5 من العتبة وبعدها علطول استاد القاهرة وكلية البنات.
محطة الاستاد أقرب محطة مترو إلى مدينة نصر الحي الغربي
والمنطقة دي في مدينة نصر بتضم الحي السابع والحي السادس والسرايات الشرقية وجامعة الأزهر، وكمان قريبة جدًا من ميدان رابعة العدوية فتعتبر 10 دقائق بس مشي، وزي ما معروف فالميدان ده في ميكروباصات وأتوبيسات كتير ممكن توديك أي مكان في مصر.
محطة عدلي منصور
وهي من المحطات اللي تم افتتاحها سنة 2019، وقريبة جدًا من موقف العاشر في النزهة، وكمان قريبة جدًا من مطار القاهرة وفيها منطقة استثمارية كبيرة وهتوصل للمدن الجديدة زي العبور والشروق والسلام، وكمان قريبة جدًا من الطريق الدائري اللي بتوصل منه لقلب القاهرة في دقايق قليلة.
وهي من المحطات اللي هتكون تبادلية بعد استكمال بقية محطات الخط اللي هتوصل لأكتر من 36 محطة لحد العاصمة الإدارية الجديدة، يعني من مدينة نصر ممكن تروح مدن جديدة كتير عن طريق محطات مترو الخط الثالث بعد استكماله.
أقرب محطة مترو إلى مدينة نصر من الخط القديم
لأن الخط الثالث حديث نسبيًا ومش ناس كتير تعرفه، فممكن ناس كتير تخاف تركبه لاحسن تتوه، ولكنه واضح جدًأ ومتقسم وفيه لافتات في كل مكان.
لكن عمومًا تعتبر محطة الشهداء أقرب حطة مترو لمدينة نصر من الخط القديم، فمن هناك هتقدر تركب ميكروباص إلى أول العباس أو أول شارع مكرم أو لحد مول سيتي ستارز.
كمان ممكن تنزل محطة العباسية بس هي في الخط الجديد برضه وتركب أكتر من مواصلة إلى سيتي ستارز أو كلية البنات لو مش حابب تركب المترو كتير.
وبعد لما عرفنا مع بعض أقرب محطة مترو إلى مدينة نصر متنساش إن فيه أكتر من موقف أتوبيسات وميكروباصات متنوعة على مستوى المدينة وأشهرهم اللي في رابعة العدوية وعباس العقاد وشارع مكرم وغيرهم.
كيف أعرف أقرب محطة مترو لموقعي
