مواصلات التجمع الخامس من رمسيس
يبحث الكثيرون عن مواصلات التجمع الخامس من رمسيس، فمنطقة التجمع الخامس أصبحت من المراكز المهمة للشركات والجامعات الخاصة مثل الجامعة الألمانية والجامعة الكندية والجامعة الأمريكية وكمان أكاديمية نيو كايرو والمعهد العالي للغات والترجمة والمعهد العالي للعلوم وغيرها، علشان كده هتلاقي كتير من الطلبة والموظفين بيدوّروا على أسهل مواصلات للتجمع الخامس من رمسيس.
ليه أسهل لك تركب مواصلات التجمع الخامس من رمسيس؟
.jpg)
رمسيس تقريبًا أشهر ميدان مش بس في القاهرة ولكن على مستوى جمهورية مصر العربية، فسواء كنت طالب مغترب أو من أي مكان على مستوى القاهرة فأكيد هيكون جنبك مواصلات لرمسيس سواء مترو الأنفاق أو الأتوبيسات المكيفة أو غيرها، علشان كده ناس كتير بتفضل تركب من رمسيس لأي مكان في القاهرة.
مواصلات من مطار القاهرة الي رمسيس
مواصلات كايرو فيستيفال من رمسيس
إيه هي مواصلات التجمع الخامس من رمسيس؟
هتلاقي حوالي 8 مواصلات من رمسيس إلى التجمع الخامس، فيه منها اللي أوله من رمسيس، وفيه منها اللي بيبدأ من مناطق مختلفة على مستوى القاهرة ولكن بيعدي على رمسيس برضه، والمواصلات دي هي:
1. خط m5:
وده تابع لخطوط مواصلات مصر وسعر التذكرة فيه هي 15 جنيه وبيكون مكيِّف وموجود واي فاي، وكمان ممكن تلاقي خصومات حسب المسافة لو هتدفع بالكارت الذكي.
بيبدأ الخط ده من موقف اللوتس وبعدين الجامعة الأمريكية، ومن أوله من الناحية التانية هتلاقيه بيقف في عبد المنعم رياض جنب هيلتون وبعدين الإسعاف وثالث محطة ليه هي رمسيس علشان كده غالبًا هتلاقيه رايق، وبيعدي على العباسية والدمرداش وشارع التسعين.
2. خط 1062:
وده تابع لخطوط أتوبيسات التجمع الخامس وشارع التسعين والامتدادات، وسعر التذكرة فيه 7 جنيه بس، وبيبدأ برضه من عبد المنعم رياض وتاني محطة ليه هي رمسيس وبعدين العباسية ونادي السكة ومحور الشهيد ومحور المشير طنطاوي والداون تاون والمستشفى الجوي وشارع التسعين وآخره في نادي القاهرة الجديدة.
3. خط 104:
وده تابع للشركة العربية للنقل الجماعي وهو أتوبيس مكيَّف وسعر التذكرة فيه 8 جنيه وبيبدأ من نادي رويال في التجمع الخامس وآخره في عبد المنعم رياض، وبيعدي على الإسعاف وبعدين رمسيس ثم غمرة والدمرداش والعباسية ونادي السكة والمستشفى الجوي وشارع التسعين والجامعة الأمريكية.
4. خط 1024:
وده تابع لخطوط أتوبيسات القطامية، وسعر التذكرة فيه إما 4 أو 5 جنيهات على حسب المسافة، وبيبدأ من القطامية وبعيدن أرابيلا والقاهرة الجديدة والجولف والدائري وكارفور والأوتوستراد والدرب الأحمر وباب اللوق، وبعدين التحرير والإسعاف ورمسيس وآخره في أحمد حلمي.
5. خط 1018:
وده من خطوط أتوبيسات التجمع الثالث لكن بيعدي برضه على التجمع الخامس وسعر التذكرة 5 أو 6 أو 7 جنيه وده على حسب الخط، وبالنسبة لـ1018 فهو بيبدأ من أحمد حلمي وبعدين يعدي على رمسيس وغمرة والدمرداش والعباسية ونادي السكة ومحور المشير طنطاوي والداون تاون وشارع التسعين ومسجد الحمد وميدان العمال والمعهد العالي وأرابيلا وآخره خالص عند الجامعة الألمانية.
وفي النهاية بعد لما عرفت أهم مواصلات التجمع الخامس من رمسيس واللي بتوصلك بشكل مباشر من غير أي تبديلات في النص يعني هي مواصلة واحدة، فتقدر برضه تاخد أي ميكروباص من رمسيس إلى عباس العقاد في مدينة نصر، وبعد كده تاخد ميكروباص تاني إلى آخر الحي العاشر، وهتلاقي من هناك موصلات كتير لشارع التسعين في التجمع الخامس.
