مطاعم مصر الجديدة
مطاعم مصر الجديدة متنوعة جدًا، فهي طبعًا واحدة من أجمل المناطق على مستوى القاهرة، فسواء من حيث وجود أكثر من حديقة وفندق وقصر وفيها، أو سواء من حيث تخطيطها وشكلها المميز جدًا واللي اتعمل بمزاج، فهتلاقي المطاعم برضه بتنجح جدًا في إنها تعدل مزاج أي حد.
ومن الأكلات الشعبية للبيتزا والمعجنات أو المشويات وحتى الأكلات البيتي المتميزة، كل ده وأكتر هتلاقيه في مطاعم مصر الجديدة، ويالا نتعرف على أفضل مجموعة منها.
وده من أجمل مطاعم الشاورما اللي ممكن تدخلها في مصر الجديدة، وصاحبها سوري الجنسية وبدأ نشاطه من سنة 1991 في دمشق، وفي 2013 فتح في مصر الجديدة وقدر بابتكاراته في عالم الشاورما والفراخ والبيتزا إنه يكون وجهة مخصوص لكتير من عشاق الأكل السوري والغربي.
العنوان: شارع عثمان بن عفان، مصر الجديدة، قسم النزهة.
التليفون: 27764777- 01123530333
وده بقى من أجمل المطاعم اللبنانية المتنوعة الموجودة في مصر الجديدة، فأولا الخدمة راقية جدًا، وهتلاقي فيه كل اللي إنت عايزه لخروجة متميزة جدًا في مطاعم مصر الجديدة، يعني سواء مشويات ولا حلويات شرقية ولا غربية ولا مأكولات لبناني هتلاقيها كلها متميزة جدًا.
العنوان: 3 شارع ممنون، الكوربة، مصر الجديدة
التليفون: 01000456324
لو نفسك في أكلة إيطالي متميزة وبتاعة بلدها مش هتلاقي في مطاعم مصر الجديدة أفضل من مطعم بيبينيرو، فهناك هتلاقي أحمل البيتزات والمكرونات والمعجنات الإيطالية بكل نكهات شعوب البحر الأبيض المتوسط، والخدمة متميزة جدًا والأسعار في متناول الجميع.
العنوان: شارع بغداد، الكوربة، مصر الجديدة
التليفون: 01010101342
لو نفسك بقى تجرَّب أكل شوارع حقيقي بس على نضافة ومن غير ما تقضي بقية الليلة في المستشفى أو رايح جاي على الحمّام، فسكلانس قدر يعمل المعادلة الصعبة دي، فالأكل هناك كبدة وسجق وحواوشي وغيره ولا أجمد أكل من عربية في الشارع، وفيه كمان خدمات توصيل ومكان جلوس وحلويات وكلها بأسعار تنافسية جدًا.
العنوان: شارع البحر في مساكن شيراتون، وفيه كمان في 4 شارع حنين بن اسحق أمام الحديقة الدولية مدينة نصر.
التليفون: 010007684461- 0222673135
طبعًا مش ممكن نكون بنتكلم عن مطاعم مصر الجديدة من غير ما نقدم لك وجبة سمك متميزة، وهي بصراحة مطاعم السمك قليلة شوية هناك، لكن الموجود منها متميز جدًا زي سنارة كده، فهناك هتلاقي أجمل وجبات السمك المتنوعة سواء بحري أو نيلي وبتشكيلات مذهلة وكمان أسعار معقولة رغم إنه من وجهات نجوم كرة القدم المشهورين زي الخطيب وغيرهم.
العنوان: 221 شارع الحجاز أمام البنك المتحد.
التليفون: 0226208699-0226212800-0226214400
وده بقى متخصص في الأكلات المصرية الجامدة جدًا والمتميزة، يعني سواء عندك عزومة وعايزة تطلبي الأكل جاهز، ولا حبيت تخرج مع العيلة وتاكل أجمد مكرونة باشاميل ولا حواوشي بالجبنة ولا كشري أو كبدة فراخ أو كبدة اسكندراني، وتحلي بساندوتش النوتيلا، فكل ده وأكتر هتلاقيه في طبالي مع خدمة متميزة جدًا وراقية، وموجود في المطعم إفطار وغداء وعشاء زي ما انت عايز.
العنوان: 18 شارع نزيه خليفة، الكوربة، مصر الجديدة.
التليفون: 01123530333-0227764777
لو إنتم بقى مجموعة أصحاب ولا أسرة مع بعض وفيه اختلافات في ذوق أكل كل واحد فيكم، يعني اللي عايز سمك واللي بيحب المشويات واللي بيفضَّل الأكل الإيطالي، ولا اللي مهتم قوي بالحلويات، فكل ده وأكتر هتلاقيه عند روسيني، فهو مطعم متنوع أكل أسماك وغربي ومعجنات مع أجمل أنواع الحلويات.
العنوان: 66 شارع عمر بن الخطاب، مصر الجديدة.
التليفون: 01228437342-0224179810-022918282
وبكده هتلاقي في مطاعم مصر الجديدة أجمل الخروجات والأكلات وفيه منها كتير بيوصل لحد البيت أو تروح تاكل جوّة المطعم من غير حجز مسبق.. وبالهنا والشفا.
