مطاعم على النيل فسحة وأكل ورومانسية ومناظر مبهرة
لو بتدوّر على مطاعم على النيل فإنت أكيد من الناس اللي مش مهم عندها يكون الأكل حلو وبس لأ كمان عايز الذوق العالي والرومانسية وأجمل المناظر الطبيعية اللي ممكن تشوفها على الإطلاق، وسواء كنت في القاهرة ولا الجيزة ولا أي محافظة من محافظات الصعيد اللي بتطل على النيل فمش ممكن أبدًا متكونش جرّبت سهرة على كورنيش النيل.
وطبعًا عدد المطاعم على النيل مش ممكن نقدر نقولها كلها بأي حال من الأحوال، خصوصًا لو هنتكلم على النيل في مصر كلها، علشان كده جبنالك أجمل مطاعم على النيل في القاهرة والجيزة المرة دي.
1. المطعم الدوّار في برج القاهرة:
مش ممكن نكون بنتكلم عن مطاعم على النيل من غير ما نفكرك بالمطعم الدوّار في برج القاهرة، فهو مش بس على النيل ده من خلاله هتشوف مصر كلها وتستمتع بأجمل الإطلالات على الإطلاق بالإضافة لزيارة سياحية مهمة جدًا، وكمان طبيعة الأكل هناك متنوعة جدًا وبترضي كل الأذواق.
فهناك مش مطعم واحد بس زي ما كتير ممكن يفتكروا، لكن ده فيه 24 مطعم، وبيدور حوالين نفسه، وممكن تكون أجمل خروجة سواء مع خطيبتك أو مراتك أو حتى أصحابك وعائلتك، ولو عايز تشوف أجمل منظر يبقى تروح هناك بعد العصر علشان تشوف منطر الغروب.
وده عبارة عن مجمع من أرقى المطاعم والكافيهات اللي أكيد هتلاقي فيها كل اللي إنت عايزه سواء مشروبات أو إفطار أو وجبات الغداء والعشاء، وكمان موجود هناك يخت ممكن تاخده في رحلة نيلية ممتعة مع أصحابك أو العائلة، وكمان مستوى الأكل هناك بياخد دايمًا تقييمات عالية جدًا.
العنوان: شارع عبد العزيز آل سعود- المنيل.
تليفون: 01205507000
وده برضه بيضم مجموعة من أجمل مطاعم على النيل في المنيل وكلها مساحات مفتوحة، وهتلاقي هناك مطاعم سمك وسوشي ومطاعم شرقية وغربية زي حلو وحادق والطازج وبريجو وغيرها كتير.
والمكان هناك رحلة في حد ذاته، فممكن ببساطة تقضي فيه اليوم بطولة ما بين ركوب مراكب في النيل أو اللعب أو الأكل بالإضافة للاستمتاع بطعم أكل مختلف وبأسعار متفاوتة برضه تناسب الجميع.
العنوان: شارع عبد العزيز آل سعود- المنيل.
رقم التليفون: 01210041717.
طبعًا لما نتكلم عن مطاعم على النيل فأكيد لازم تفتكر الأقصر وأسوان، لكن لو مش فاضي تروح لحد هناك فمطعم الخيمة جاب لك الجو النوبي الأصيل لحد عندك، وهو من المطاعم اللي قدرت تجمع بين أكتر من معادلة صعبة، فهو على النيل مباشرة مبيفصلش بينك وبينه غير خطوات.
كمان الأكل عبارة عن مشاوي وأكلات شرقية بأسعار معقولة جدًا رغم المنظر المبهر اللي قدامك، ولو إنتم مجموعة ممكن تكلموا المطعم لإرسال فلوكة من أقرب مكان على الكورنيش وتاخدوا رحلة نيلية قبل أو بعد زيارة المطعم، وهتلاقي كمان جنبه ملاهي، يعني من أجمل الخروجات فعلًا اللي ممكن تفكر فيها.
العنوان: الوراق- الجيزة، قرية المنتزه أمام فودافون بعد مبنى وزارة الري وبجوار القصر الملكي.
التليفون: 01121293000-01030308739
5. سبكترا الشجرة Spectra El Shagara:
وهو من المطاعم المميزة جدًا في الزمالك وبيقدم مجموعة متنوعة من الأطباق الشرقية والغربية اللي بترضي كل الأذواق، وكمان هتلاقي عنده مشروبات متنوعة لو مش عايز تاكل، كما فيه ممشى وسط المية هتستمع بيه جدا.
العنوان: أمام فندق كونراد- كورنيش النيل- الزمالك.
التليفون: 0219491
ودي كانت مجموعة من أجمل مطاعم على النيل، طبعا فيه عشرات غيرها زي حلاوة وزعتر ونايل سيتي ونايل ليلي Nile Lyly وغيرها، ولكن دي اللي عليها الإقبال الأكبر خصوصًا لو بتدور على خروجة حلوة في مكان محترم.
.jpg)
