عنوان سفارة الامارات بالقاهرة

سفارة الإمارات في القاهرة بالتجمع الخامس

سفارة الإمارات بالتجمع الخامس واحدة من أكتر الأماكن اللي المصريين بيقبلوا عليها لمحاولة الحصول على الفيزا واللي بتكون غالبا بهدف العمل ولكن فيه منها برضه بغرض السياحة، فإيه هو عنوان سفارة الإمارات بالتجمع الخامس بالظبط ومواعيد العمل وأهم الخدمات.. ده اللي هنتعرف عليه دلوقتي.

عنوان سفارة الإمارات بالتجمع الخامس

وهو يعتبر من أماكن التأشيرات الجديدة في مصر لإنها في البداية كانت في الجيزة وتحديدًا في 4 شارع سينا في محافظة الجيزة، ولكن الفرع الجديد في التجمع الخامس موجود بالظبط في القطعة 77 في القاهرة الجديدة داخل التجمع الخامس في شارع التسعين وبجوار البنك الأهلي المصري.

تليفون سفارة الإمارات بالتجمع الخامس: 02226730004

 ربما يهمك أيضًا

عقد عمل للإمارات 

قصة ال 1000$ لو مسافر سياحة

هل ممكن تروح سفارة الإمارات بالتجمع الخامس في أي وقت؟

عموما فإن مواعيد مكاتب التأشيرات الإماراتية المنتشرة في مصر كلها مش في التجمع بس هي يوميًا من 8 صباحًا إلى 3.5 عصرًا ما عدا الجمعة والسبت، ولكن قبل الذهاب لازم تحجز موعد في البداية سواء عن طريق الهاتف أو عن طريق البريد الإلكتروني conscairo@mofa.gov.ae، وهيتم تحديد موعد بالاتفاق مع المسؤولين في مكتب التأشيرات.

هل يمكن استخراج التأشيرة من سفارة الإمارات بالتجمع الخامس لأي شخص؟

إذا قمت بدفع الرسوم المطلوبة فإنه يمكنك الحصول على تأشيرة سياحة أو زيارة وتكون من 30-90 يومًا والرسوم سنة 2020 هي كالآتي:

·         سعر تأشيرة زيارة الإمارات لمدة 30 يومًا وصالحة للدخول مرة واحدة هي 350 درهم.

·         الدخول المتعدد والإقامة لمدة 30 يومًا سعر تأشيرته يصل إلى 650 درهم.

·         إذا كنت ترغب في الزيارة لمدة 90 يومًا ودخول مرة واحدة فسعر التأشيرة 2020 هو 1000 درهم إماراتي.

·         إذا كنت ترغب في تأشيرة دخول متعدد وصالحة لمدة 90 يومًا فإن الرسوم تصل إلى 2500 درهم.

·         ولو عايز تجدد فيزا السياحة وإنت جوّة الإمارات فده أصبح متاح من سنة 2018،  بصرف النظر عن مدة التأشيرة الأصلية، وكل تمديد عليه رسوم 1400 درهم، وإذا تجاوت فترة التأشيرة بـ10 أيام بيتم احتساب غرامة 100 درهم على كل يوم بعد الأيام الـ10.

وممكن كمان استخراج فيزا السياحة من طيران العربية أو طيران الإمارات أو طيران فلاي إن أو عن طريق واحد من مكاتب السياحة بس لازم تتأكد إن التأشيرة صحيحة.

إزاي اتأكد من صحة تأشيرة  سياحة الامارات 

ازاي تستخرج فيزا عمل من سفارة الإمارات بالتجمع الخامس؟

الموضوع هنا معقد شوية، لإن لازم يكون فيه كفيل أو مواطن إماراتي هو اللي طلب دخولك للعمل في الإمارات، وإذا قابلت الكفيل ده في مصر فممكن يعمل الإجراءات ويدفع رسوم دخولك أو حسب الاتفاق بينكم.

لكن اللي بيحصل غالبًا إن المصريين بيدخلوا بفيزا سياحة وبيحاولوا يدوروا على كفيل وده بيعرضهم لمشاكل كتير زي مكان الإقامة أو إمكانية كسر موعد التأشيرة ومطاردة السُلطات لهم، وممكن كمان يتعرضوا للنصب من بعض مكاتب السياحة والسفر اللي بتبيع تأشيرات سياحة على أنها تأشيرة عمل ويُفاجأ الشخص بعد الوصول بعدم وجود عمل.

علشان كده مش لازم أبدا تبدأ استخراج تأشيرة عمل أو تحجز تذكرة السفر من غير ما تتأكد من صحة عقد العمل والاتصال بالسفارة والكفيل والتحدث معه مباشرة أو وجها لوجه من خلال تقنيات اتصال الفيديو.

 لو مسافر الإمارات تدور علي شغل 

تحديث البيانات لمقيمي دولة الإمارات