حواوشي الرفاعي.. أجمد اختراعات في الأكل
حواوشي الرفاعي مش أي نوع من الأكل عمومًا ولا الحواوشي خصوصًا، فمن المعروف إن الحواوشي من أكثر الأكلات المشهورة في مصر واللي بيقبل عليها الجميع من كل المناطق وسواء كبير ولا صغير، بتحبه حراق ولا من غير شطة.. أكيد هتلاقي كل اللي نفسك فيه في حواوشي الرفاعي.
هو من المحلات المشهورة جدا في مصر وبدأ من عابدين، ولكن انتشر في مناطق تانية كتير بسبب اختراعاته المتميزة في الحواوشي، وخلطته السرية اللي محدش قدر يعرفها، وكمان طريقته المميزة في تسوية العيش بحيث يكون مقرمش من برة وطري وجميل من جوّة.
وسلسلة الرفاعي بدأت سنة 1969 كمحلات جزارة، ولكن تطور موضوع الحواوشي من سنة 2005 تقريبًا لما زاد الإقبال عليه، وأصبح من أشهر المحلات في مصر، وفيه سياح بيطلبوه مخصوص.
إيه أهم الأكلات في حواوشي الرفاعي؟
وطبعًا فاكر إنه علشان حواوشي فهيبقى المنيو فيه حاجة واحدة أو اتنين ثلاثة بالكتير، ولكن ده مش مع حواوشي الرفاعي خالص، فبالنسبة للحواوشي لوحده ففيه أكتر من لون وشكل أهمهم طبعًا:
· حواوشي حبنة دوبل، وده من الاختراعات اللي ملهاش حل هناك، ولو مجربتوش يبقى فاتك كتير فعلًا.
· حواوشي لحم سادة لمحبي الأصالة في الحواوشي مع تتبيلة خاصة من أجود اللحوم.
· حواوشي سجق بالجبنة وده برضه من الاختراعات المميزة جدًا هناك وعليها إقبال كبير.
· حواوشي اللحمة الضاني، أيوة مستسغربش لإنهم هم بيفرموها ويعملوا الخلطة السرية مع الطماطم والفلفل والطحينة.. حاجة كده مش ممكن تنساها.
· الحواوشي التركي
· حواوشي لحوم مع خضروات.
· وهتلاقي كمان ممبار لو بتحبه لوحده من غير الكوارع والفشة والكرشة والحاجات اللي في المسمط، وهتلاقي باكت سمبوسك وبطاطس، ده غير الحلويات اللي لازم تحبس بيها بعد أكلة حواوشي ملهاش حل.
إيه هي فروع حواوشي الرفاعي؟
زي ما قلنا إن الرفاعي بدأ كمحل جزارة في عابدين وكان بيقدم الحواوشي ضمن طلبات اللحوم العادي، لحد لما اتشهر أكثر بالحواوشي وفتح أكتر من فرع، وهم:
· فرع عابدين وده بالظبط في 87 شارع الشيخ ريحان عابدين أمام قصر عابدين تمامًا وهو من المعالم المعروفة هناك ومش ممكن تتوه، وأقرب محطة مترو ليه هي محمد نجيب.
· فرع التجمع وده من الفروع الجديدة نسبيًا وكل الناس بتشكر فيها جدًا وموجود بالظبط في المنطقة الثانية جاردينيا مول في التجمع الخامس.
· فرع الشيخ زايد وبالتحديد في مول العرب بجوار الجامعة الكندية.
هل فيه خدمة توصيل في حواوشي الرفاعي؟
طبعا فيه خدمة توصيل لكن مش من المطعم نفسه، ولكن من تطبيق اطلب Otlob أو مرسول Mrsol، ولكن طبعًا ممكن تتصل تطلب عدد معين من الساندوتشات أو الوجبات وتيجي تستلمها أو تاكل جوة المطعم نفسه.
وعايزين نقولك إن كل الفروع تقريبًا بتتنافس مع بعض في إنها تقدم لك أفضل خدمة ونظافة ورُقي في التعامل، مبتفرقش بين فرع عابدين أو فرع التجمع، سواء في جمال الأكل أو شياكته وتحبيشته.
وممكن تطلب خدمة العملاء على الرقم ده: 01227060321
وممكن أي أوردر على الأرقام دي وهم هيوصلوك بأقرب فرع: 0223919365- 01018000668
هل محتاج تحجز ترابيزة قبل ما تزور حواوشي الرفاعي؟
رغم الإقبال الكبير عليه وإنه من أكبر الأسامي اللي بتقدم أكلات في مصر، إلا إنك مش محتاج تحجز، ولكن طبعا في أيام إفطار رمضان والمواسم بيكون زحمة جدا، وكل الفروع مفتوحة يوميًا من 10 الصبح إلى 3 صباحًا، وتحت خدمتك دايما.
فسواء كنت عايز أكلة جامدة أو خروجة مميزة سواء مع أصحابك أو أسرتك أو حتى خطيبتك علشان يبقى فيه تغيير فيعتبر حواوشي الرفاعي من الاقتراحات المميزة جدًا، ده غير إنكم ممكن تجيبوه في البيت وترتاحي يوم من عمل الأكل وتضمني في الوقت نفسه مستوى عالي من النظافة والجودة.
