أفضل فسح للأطفال في القاهرة

أفضل فسح للأطفال في القاهرة

عايز تعرف أفضل فسح للأطفال في القاهرة وبأسعار معقولة وبأمان تامّ من غير ما يتعرضوا لأي مخاطر؟ فأكيد مش لوحدك، فمن المعروف إن الأطفال بيزهقوا جدًا من قعدة البيت، وكمان الأم والأب غالبًا مشغولين ومبيعرفوش يقعدوا يلعبوا معاهم كتير، وبصراحة الحدائق المفتوحة نادرة إلى حد العدم في القاهرة.

علشان كده اخترنا لك مجموعة من الفسح اللي ممكن تقدر تروحها باستمرار سواء في الأجازة أو الدراسة، بحيث يلعب الأطفال فيها وكمان فيها مناطق جلوس للكبار، يعني الجميع هيتبسط.

1. كيدزانيا:

مع أكتر من 80 نشاط متنوع وإمكانية إنك تسيب طفلك في أمان لفترة طويلة ممكن توصل لـ8 ساعات من غير ما تقلق عليه، فتعتبر كيدزانيا واحدة من أنجح الخروجات اللي ممكن تمنحها لأطفالك.

هي ممكن تبان غالية شوية لإن السعر 100 جنيه لأطفال أفل من 4 سنوات، و130 جنيه للاطفال اللي أكبر، أما المرافقين البالغين فسعر الدخول ليهم 85 جنيه بس هم بيراقبوا بس يعني مفيش أنشطة معينة ممكن يعملوها.

فالمكان أقرب لمعسكر ترفيهي وتعليمي وتثقيفي، هيتعلم فيه طفلك حاجات عن البرمجة والحرف اليدوية، وكمان فيه طبعا ألعاب ترفيهية زي أي مكان للأطفال، لكنه تجربة مختلفة فعلا.

العنوان: كايرو فيستفيفال سيتي، التجمع الخامس.

التليفون: 16593

2. جيرولاند العبور:

وهي واحدة من أجمال فسح للأطفال في القاهرة، وموجودة في مدينة العبور، وسعر التذكرة بتدفعه من برة وتقدر تركيب بيه كل اللعب الموجودة مجانًا وأكتر من مرة، ولكن فيه 5 لعب تقريبا برة التذكرة.

هي حلوة قوي في أيام نص الأسبوع، لإن طبعا فيه لعب بيكون عليها ضغط أكتر من غيرها، علشان كده لو عايز تستمتع بجد حاول تتجنب الويك إند على قد ما تقدر.

العنوان: محور العبور بالقرب من جولف سيتي وكارفور العبور.

التليفون: 01094456071

3. فاميلي لاند في المعادي:

وهي بتعتبر واحدة من أشهر وأجمل الخروجات للأطفال مش بس في المعادي ولكن في القاهرة كلها، فممكن توصلها عادي بالمترو من أي مكان في مصر.

وهتلاقي هناك بالإضافة إلى المراجيح والزحاليق وغيرها، فيه كمان تزلج على الجليد وألعاب الفيديو جيم وغيرها كتير، والدخول مجانا، أما سعر الألعاب فبين 15-40 جنيه حسب كل لعبة.

العنوان: 11 ابراج عثمان، المعادي.

التليفون 01002584606 – 0225243400

4. فاميلي بارك:

وهي من الأماكن المتميزة جدًا جدًا لخروجات الأطفال والكبار كمان، فهي على عكس الخروجات التانية اللي ذكرناها فيها أماكن كتير لجلوس الكبار ومطاعم وأنشطة ثقافية وألعاب وطبعا الحديقة كبيرة جدا ممكن الأطفال يلعبوا فيها بالكرة أو يركبوا العجل والاسكوتر سواء بتاعهم أو ممكن يتم تأجيره من جوّة.

وأسعارها هايلة جدا، فبـ50 جنيه بس تقدر تدخل وتستمتع بحديقة الحيوان والسفاري وفيه كمان متحف مفتوح، أما الألعاب فليها أسعار تانية لكن برضه مش غالية قوي.

العنوان: طريق السويس، بالقرب من مدخل الرحاب 2

التليفون: 01159655590

5. أفريكا سفاري بارك:

وهي من الأماكن المذهلة سواء للأطفال أو الكبار أو حتى العرسان الجداد، فهي فعليًا حديقة حيوان مفتوحة، تقدر فيها تركب الحصان وتأكل الفيل وتلعب مع القرود والبغبغان، وفيه شلالات ومية  وأنشطة كتير جدا ممكن الأسرة كلها تستمتع بيها.

هي بس يمكن تكون بعيدة شوية لإنها على طريق مصر إسكندرية الصحراوي، لكن ممكن تخصص لها يوم مخصوص من الصبح وتأخد كل أكلك وألعابك معاك وهتتصور أحلى صور.

العنوان: طريق مصر إسكندرية الصحراوي

التليفون: 01004712576

وطبعًا فيه أماكن تانية كتير زي حديقة الأزهر ومجمع الأديان والقرية الفرعونية ودريم بارك وماجيك جلاكسي ستار وكي أكشن سبورتس في الرحاب واللي بيعتبر مركز لمحاكاة الحروب ولكن بين الأصدقاء وأماكن غيرها كتير، ممكن تحاول كل مرة تجرب حاجة مختلفة.

أفضل مطاعم بمنطقة أطفال في القاهرة