مطاعم جاد في الإسكندرية
مطاعم جاد في الإسكندرية وصلوا 5 فروع، وده طبعًا لمحاولة تلبية الطلب المتزايد على أنواع أكل المطعم ده، واللي بيثبت كل يوم إنه قد الشعار اللي حطه لنفسه وهو إنه بيقدم أكل لكل الناس.
ممكن شهرة مطعم جاد الأساسية جاية من كونه بيعمل فول وطعمية من أحلى ما يكون، لكن لو دي بس فكرتك عن مطاعم جاد فإنت في الحقيقة خسرت كتير.
صراحة أي حاجة ممكن تيجي في بالك ممكن تلاقيها في جاد، سواء فراخ أو لحوم أو فواكه البحر ولا حتى الفطير المشلتت والحلويات.
إيه هي فروع مطاعم جاد في الإسكندرية؟
زي ما قلنا لك وصل عددهم دلوقتي 5 فروع، وكل فرع من فروع جاد في الإسكندرية بيطل على منظر مبهر بحيث إن الجلوس فيه يكون خروجة في حد ذاته ومش مجرد أكلة وخلاص.
وطبعا أحلى منظر فيهم اللي في ستانلي وعلى البحر وجمال كوبري ستانلي وتميزه الشديد عن أي مكان في إسكندرية.
· محطة الرمل، في تقاطع شارع فؤاد، و شارع النبي دانيال
· شارع جميلة بوحريد ميدان الساعة - رشدي
· شارع الطيار محمود شكرى سموحة
· 3 ش سعد زغلول - محطة الرمل - الاسكندرية
· 683 طريق الجيش - ميامي- ستانلي
إيه أكتر الأكلات المميزة في مطاعم جاد في الإسكندرية؟
بصراحة السؤال ده صعب قوي إنك تلاقي إجابته، لإن طبعا الأكل أذواق، وهو بصراحة متميز جدًا في أكلات كتير، ولكن نقدر نقولك إن الأكلات الشرقية عنده ملهاش حل، ومن أطباق جاد المميزة هتلاقي الفراخ المحشية بالأرز والكبدة، وملوخية بالفراخ وورقة اللحمة مع كباب الحلة والسكالوب بانيه وغيرها.
أما أطباق الفول والفلافل فهي متنوعة جدًا فهتلاقي فلافل بالبسطرمة وفلافل بالسمسم وفلافل محشية وغيرها كتير، وكمان تنوع كبير في طريقة تحويجة الفول لإفطار تبدأ بيه يومك وممكن تكمل بيه لحد بالليل من غير ما تجوع.
هتلاقي كمان المكرونات بأنواعها سواء فرن أو لازانيا، مع أكتر من نوع أرز وسلطات مختلفة سواء مصرية أو غربية، ومش ممكن ينسوا التحلية سواء بالآيس كريم المميز أو الأرز باللبن أو البراونيز وغيرها كتير.
علشان كده لو نفسك في أي أكلة دوّر عليها الأول في جاد وغالبًا هتلاقيها بأسعار مناسبة جدًا وبجودة عالية قوي وهتوصلك في السريع.
هل فيه خدمة توصيل في مطاعم جاد في الإسكندرية؟
طبعًا فيه خدمة توصيل في مطاعم جاد كلها اللي على مستوى الجمهورية وخصوصًا اللي في إسكندرية، وسواء كانت طلباتك وجبات كاملة أو سندوتشات، وسواء في الإفطار أو الغدا أو العشا فهتلاقي جاد دايما في خدمتك وهيوصلك سخن دايما، وتقدر تطلب الدليفري على رقم 16475
ليه ممكن تروح مطاعم جاد في الإسكندرية؟
وده سؤال مهم جدًا خصوصًا إن إسكندرية في سلاسل مطاعم كتير قوي، وطبعا هي من المدن الساحلية والسياحية المهمة جدا في مصر، واللي عليها دايما إقبال وخصوصًا في الصيف، لذلك إيه اللي هيخليك تسيب كل مطاعم المدينة وتروح جاد، وهنا هنقولك أكتر من سبب:
أسعار جاد معقولة جدًا عن كتير من مطاعم تانية، فبصرف النظر عن سعر ساندوتش الفول والطعمية اللي أعلى شوية من العادي، إلا إن بقية الوجبات سعرها مناسب جدا.
بيرضي كل الأذواق، يعني لو إنتم مجموعة كبيرة ومحتارين بين الأكل الشرقي والغربي ولا السمك ولا الأكل الشعبي هتلاقي الإجابة دايما عند جاد.
كمان فروعه منتشرة في أكتر من منطقة وده بيخلي الوصول ليه سهل بالإضافة طبعا لخدمة التوصيل.
المطعم عمومًا بيتميز بالأناقة والنظافة وإن طعم الأكل حلو جدا وده لوحده كفاية إنك تختاره.
.jpg)
