أفضل كافيهات المهندسين
لو بتدور على أفضل كافيهات المهندسين فهتلاقي أكتر من اختيار، طبعًا الأكثر شعبية هي الموجودة في شارع جامعة الدول العربية واللي علطول بتكون زحمة وصاخبة وتنفع قوي للقاءات الأصدقاء والحفلات، لكن لو عايز كافيهات هادية شوية في المهندسين فهنروح بيك للشوارع الجانبية شوية، فهتلاقي خدمة حلوة ومنطقة جلوس مميزة وقُريبة برضه من الشوارع الرئيسية.. فيالا نعرف مع بعض إيه هي أفضل كافيهات المهندسين.
وده مش بس كافيه، لكنه فعليًا واحد من أشهر المعالم في المهندسين، مش هنقول زي الهرم في الجيزة لكنه فعلًا من الأماكن المميزة جدًا، ومنطقة تميزه مش بس الخدمة الجامدة ولا المكان شديد النظافة والأناقة ولكن كمان الوجبات المميزة.
فهناك هتلاقي حواوشي السي فوود وده تقريبًا حاجة كده مش موجودة غير عندهم، غير المكرونات بأنواعها وكمان السوشي، وطبعًا القهوة هناك حكاية لازم تجربها، وهو من الأماكن المناسبة جدًا للعائلات والأصدقاء والشباب، وسواء اخترت الجلوس جوّة الكافيه أو في المساحة الخارجية فإنت أكيد هتكون كسبان.
العنوان: المهندسين 20 شارع جول جمال متفرع من البطل أحمد عبدالعزيز العجوزة
التليفون: 01277288779، وواتس آب على 01003007875
وهو من الكافيهات والمطاعم اللي مش ممكن تقدر تقاوم أكلها في المهندسين، وهو من الأماكن الهادية إلى حد كبير خصوصًا لو مش هتروح يوم أجازة، وممكن طبعا تطلب الأكل دليفري، أما الفطار هناك فحكاية لوحده، وعندهم شوية ابتكارات في الأكل للي عايز تغيير بجد.
العنوان: 21 شارع نادي الصيد- المهندسين- الجيزة- بجوار مطعم وكافيه سبكترا.
التليفون: 0237601112
.jpg)
وهو نار على علم في المهندسين، والجوّ هناك من أجمل ما يكون، والوجبات ملهاش حل، صعب نقولك طبق معين هو الأفضل، لكنه فعليًا بيقدم تشكيلة مميزة جدا.
أما عُشاق القهوة فهيلاقوا هناك اللي عمرهم ما يتخيلوه، فالقهوة هناك مميزة وبنكهات مختلفة هتخليك تصحصح بجد ودايما طازة، وفي الكافيه منطقة لغير المدخنين لو عايز تاكل وتشرب بمزاج من غير ريحة الشيشة أو السجاير ما تكون مُزعجة ليك.
وهو طبعا ليه فروع كتير جدا في القاهرة زي المقطم وكورنيش النيل والشيخ زايد، كمان هتلاقيه في الإسماعيلية وطريق مصر الصحراوي وهيكون دايما في خدمتك.
العنوان: 14 شارع عبد الحميد لطفي- المهندسين
التليفون: 19491
سواء عايز إفطار مميز أو غدا أو قهوة ملهاش مثيل أو حتى حلويات وميلك شيك مميز بالكريمة والفانيليا وغيرها كتير، هتلاقيها كلها في بينوس كافيه، وهو من الأماكن اللي عليها إقبال كبير في المهندسين ورغم كده ممكن تذاكر أو تشتغل فيها عادي علشان بتتميز بالهدوء شوية عن غيرها من كافيهات.
وهتلاقي هناك أحلى فرابوتشينو ممكن تدوقه، كما سندوتشات صحية للي عاملين ريجيم ونفسهم في تغيير يساعدهم على الاستمرار.
العنوان: 38 شارع جامعة الدول العربية.
التليفون: 0233057969.- والخط الساخن 15585
وده بقى من الكافيهات شديدة الصخب والحيوية والفرفشة للي عايز خروجة مبهجة مش رسمية قوي، وهو من أنسب الأماكن اللي ممكن تعمل فيها حفلات أعياد الميلاد أو تختفل فيها بأي مناسبة حلوة مع أصدقائك، وهم بيظبطوا كل حاجة صح قوي.
طبعا ممكن تقعد فيه عادي كأي كافية وتستمتع بالوجبات والمشروبات الموجودة فيه، وكمان تتفرج على الحفلات اللي هناك، وكل فترة بييجي نجم مشهور يقدم حفلة هناك، فزي ما تقول كده من الخروجات الشاملة أكل وفرفشة.
العنوان: 9 شارع عدن، من شارع شهاب.
التليفون: 01095661308.
وطبعا فيه عشرات من الكافيهات المميزة في المهندسين، واللي بتقدم لك اختيارات متنوعة، وأسعارها مش غالية قوي، يعني ممكن تخرج وتتبسط بأقل من 200 جنيه.
مطاعم مصر الجديدة
