أفضل مطاعم شارع 9 المعادي

أفضل مطاعم شارع 9 المعادي

ارتفع الإقبال على معرفة أفضل مطاعم شارع 9 المعادي في السنوات الأخيرة، فمنذ قرار تحويله يومي الخميس والجمعة إلى ممشى ومكان لمهرجانات ثقافية وشعبية وهو أصبح واحدًا من أشهر شوارع القاهرة والتي تتحول في الإجازة إلى مول كبير الحجم تتنوع فيه محلات الطعام والملابس والإكسسوارات وغيرها.

وبالطبع يمكنك زيارة الشارع خلال أيام الأسبوع بسيارتك بشكل عادي، لكن في الإجازة لازم هتسيب عربيتك بعيد شوية على أول الشارع، وممكن الأطفال يلعبوا بالدراجة غير مسابقات الجري وغيرها، فلو عايز خروجة جنان ومتميزة فعلًا وفي الآخر تاكل وجبة محترمة وبأسعار خارج نطاق المنافسة، فيالا نتعرف على أفضل مطاعم شارع 9 المعادي.

1. كافيه ومطعم حارة المعز:

وهو من الكافيهات أو المطاعم اللي قررت فعلًا إنها ترضي كل الأذواق، فبأكل شرقي لذيذ وممتع مش هتلاقيه تقريبًا غير في مصر القديمة بيستقبلك المطعم بأجمل وجبات شرقية نفسك فيها من مشويات لطواجن وغيرها كتير.

غير إن منطقة الجلوس أصلا مميزة جدا وتم تصميمهاعلشان تحسسك إنك رجعت لأيام زمان في بداية عُمر القاهرة، وهتلاقي كمان شاشات تليفزيون ضخمة لمتابعة أهم الأحداث الرياضية والفنية.

أما المفاجأة الحقيقية في المطعم ده هي منطقة الأطفال، فهي مغلقة تمامًا مش مفتوحة زي مطاعم تانية، يعني ممكن ببساطة تسيبوا الأطفال عادي وتشربوا القهوة بمزاج وكله يطلع مبسوط.

العنوان: 80 شارع 9 المعادي بالقرب من محطة المترو.

التليفون: 01111147442-0223803339

2. مطعم جوستو:

وده من المطاعم المبهرة جدا في شارع 9 المعادي، والإقبال عليه بالطوابير وقائمة انتظار Waiting list وحاجة كبيرة قوي، بس هو فعلا يستاهل، فالأكل هناك هينقلك لمنطقة تانية خالص حقيقي مش هتقدر تمسك نفسك من فخامة وطعامة المكرونات اللي سايحة تمامًا في الجبنة ولا الحلويات ولا العصائر.

هو المطعم صغير شوية لكن القعدة ممتعة جدًا ومريحة وحميمية، لو إنت مش بتحب الزحمة حاول تروح في نص الأسبوع ومش في الإجازات وهتتبسط قوي، وهو فتح فرع جديد في القاهرة الجديدة أكبر شوية.

العنوان: 80 شارع 9 المعادي.

التليفون: 01211097777

3. مطعم كراكاس:

وده واحد من أفضل المطاعم اللي بيزورها عشاق الأكل اللبناني والسوري، فهناك الوجبات هتلاقيها مختلفة عن أي مطعم تاني بيقدم أكل لبناني، فهتحس فجأة إنك انتقلت لبلاد الشام حرفيًا، علشان كده لازم تكون من حريفة النوعية دي من الأكل لأنها مختلفة عن أكل المصريين شوية.

التليفون: 01017118882

4. مطعم باب الحديد:

وده هتلاقي فيه أحلى أكل أورينتال في شارع 9 المعادي كله، فمن الممبار للحمة الراس للكوارع وكمان المشويات والطواجن والمخللات، مش هتضطر تروح الحسين لو إنت من سكان المعادي.

كمان المكان بيتميز بالنظافة الشديدة والأناقة والجو اللي بيحسسك إنك مسافر دايمًا خصوصًا إنه جنب المترو، فبصراحة التجربة هناك مختلفة جدا والأسعار مناسبة ومش غالية.

العنوان: 25 شارع 9 المعادي وقريب من محطة مترو ثكنات المعادي.

التليفون: 01226990007

5. مطعم موري سوشي:

وده بقى خاص بالناس اللي عايزة حاجة مميزة قوي ومش مهم عندها الفلوس أو إن الخروجة هتكون غالية شوية، فهناك هتلاقي أحلى سوشي ممكن تاكله في حياتك، ومش ممكن هتقدر تنساه.

ومش كده وبس لأ ده كمان اللحوم والفراخ بتتعمل بطريقة ستيك مميزة جدًا وهتلاقي كمان البط بنكهة شهية مش ممكن تقدر تقاومها، غير العصائر والحلويات.

العنوان: 76 شارع 9 المعادي أمام البنك التجاري الدولي.

التليفون: 16885

وفي النهاية حاول متحترش كتير في الاختيار بين أفضل مطاعم شارع 9 المعادي، فالمكان كله مختلف وأنيق وجذاب سواء للمصريين أو السياح، لكن حدد بس عايز تفطر أو تتغدى إيه وأكيد هتلاقي اختيارات كتير تبهرك.

مطاعم مدينة نصر