مطاعم مدينة نصر.. كل اللي عايزه هتلاقيه
في مطاعم مدينة نصر أكيد هتحتار تختار إيه، فهناك هتلاقي كل أنواع الأكل تقريبا، من التركي للصيني للهندي للتايلاندي للماليزي، ده طبعًا غير الأكل الشرقي الأصلي اللذيذ وحتى الأكلات الشعبية هتلاقي هناك مطاعم بتعملها صح جدًا أكتر من بعض محلات الحسين والسيدة زينب.
كمان هتلاقي المأكولات البحرية والوجبات السريعة والأهم من ده كله إن الأسعار مناسبة لكل الميزانيات، يعني سواء خروجة مع أصحابك أو مع خطيبتك هتلاقي كله موجود في مدينة نصر.
وده يعتبر الوجهة المفضلة لعشاق الأكل التركي في مصر، فهتلاقي هناك مجموعة متنوعة من أشهى وأغرب الأكلات التركية على الإطلاق، فسواء كنت عايز لحوم أو مخبوزات أو حلوى أو غيرها مفش هتلاقي أفضل من Nişantaşi.
واسم المطعم بيرجع لمدينة في منطقة شيشلي تابعة للجانب الأوروبي لاسطنبول، علشان كده هتلاقيه مزيج بين الأكل الأوروبي الشرقي مع الطعام التركي وبرضه ابتكارات شعوب البحر الأبيض المتوسط.
العنوان: سيتي ستار هليوبوليس
التليفون: 01015994464
وهو بيعتبر من العلامات المشهورة جدًا في مدينة نصر، فمفيش بطولة رياضية تتعمل إلا والمكان يكون زحمة جدًا هناك، فهو عبارة عن مقهى ومطعم في الوقت نفسه، لكن متخليش ده يزعجك لإن عندهم أقوة نظام طرد مركزي مش هيخليك أبدا تحس بريحة السجائر أو الدخان، وفي الوقت نفسه المكان حميم جدًا.
أما عن الأكل والوجبات فهي متنوعة بشكل يرضي كل الأذواق، فلو عايز تفطر هتلاقي أجمل التشكيلات، ولو عايز سندوتشات على السريع هتلاقي كل اللي نفسك فيه من لحمة وبرجر وسي فود وغيرها، وكمان في أنواع بيتزا من كل لون.
أما عن الوجبات الرئيسية فهتلاقي المكرونات وأطباق اللحمة والفراخ والمقبلات والمشهيات، وحتى لو عايز تعمل دايت وخايف من طعم الأكل الممل، ففي استوريا هتلاقي أحلى أكل معمول دايت يشجعك على الريجيم من غير ما تحس ولا تتعذب.
العنوان: 104 شارع عباس العقاد
التليفون: 0226702680
وده هتلاقي فيه كل الأكلات الشرقية اللي ممكن تتخيلها أو حتى اللي عمرك ما سمعت هنا، وده كله بابتكارات مذهلة وشياكة وأناقة في التقديم، فسواء كنت عامل عزومة في البيت أو عايز خروجة حلوة، أو حتى عايز تجرب أكلات جديدة على ذوقك الشرقي فلازم تجرّب الحضرة.
وكل اللي راح هناك أكد إن الأكل تجربة مش ممكن تتنسي أبدًا وأكيد هتحتار في الاختيار، لكن ننصحك بطلب الطبق المميز بتاعهم وأكيد مش هتندم.
العنوان: شارع الإمداد والتموين
التليفون: 01030080098
4. مطعم نايل Nile:
وعلى عكس ما ممكن يوحي ليك اسمه وإنه هيقدم أكلات مصرية وكده.. لأ على العكس تمامًا، فهناك هتاكل أحلى أكل تايلاندي وماليزي زي المعمول في بلده الأصلية، بس متخفش مش هتكون زي هنيدي في فيلم سور الصين العظيم، لإن الأكل هناك مناسب لللطبيعة المصرية.
لكن البهارات والمشروبات وشكل الأكل هناك هيخليك تعيش تجربة مختلفة بجد، وكمان الأسعار معقولة جدًا، يعني حتى لو معجبتكش التجربة فمش هتدفع كتير.
العنوان: 4 شارع الإمام أبو حنيفة، المتفرع من عبد الله العربي، الحي السابع.
التليفون: 01207838835
5. مطعم ليموزين.. الأكل الشعبي بالشوكة والسكين:
مين اللي قال إنك علشان تاكل فتة وكوارع وممبار لازم يكون كمان المكان شعبي؟ أكيد طبعًا الحسين والسيدة والجمالية ليهم رونق خاص، لكن برضه مننكرش إننا ساعات بنكون عايزين أكل شعبي لكن في مكان أنيق جدًا وبالشوكة والسكينة زي ما بيقولوا.
وده هتلاقيه في ليموزين، فلو بتحب الكوارع والممبار والطرب ولمة الراس ومش عايز تروح تاكل في الشارع في الحسين فالمطعم ده هيوفر لك المعادلة الصعبة.
العنوان: له 3 فروع، واحد في الحي العاشر والتاني في الحي السابع والثالث في 23 شارع الخليفة الظافر.
التليفون: 01272801116 01000603464 01111097001 01092576303 01272801116
