أحلى كافيهات الزمالك
كافيهات الزمالك تعتبر من الخروجات المتميزة جدًا، فسواء كان الكافيه على النيل أو بيطل على مناظر تاخد العقل، أو حتى بيوفر منطقة جلوس جميلة، فهي فرصة حقيقية للتغيير والترفيه وبأسعار معقولة كمان.
فالزمالك من كتر الكافيهات اللي فيها طلع عليها اسم "أرض الكافيهات" وهتلاقيهم هناك متنوعين جدًا، يعني فيه اللي ينفع لقعدة بنات، وفيه اللي ينفع لحفلات عيد ميلاد، أو حتى لو عايز تقعد تستجم لوحدك سواء تذاكر أو تكتب أو تشوف شغلك فأكيد هتلاقي اللي يناسبك.
فيالا بينا نتعرف على أحلى كافيهات الزمالك واللي ممكن تختار أي واحد منها حسب طلباتك وذوقك سواء على النيل أو في منطقة هادية.
.jpg)
وده واحد من أجمل وأشهر وأفضل كافيهات الزمالك على الإطلاق، بس هو زحمة شوية وعلطول عليه إقبال كبير، فهو أولا على النيل وده لوحده كفاية إنه يخليه مقصد شعبي.
لكن كمان النظافة والشياكة هناك بتجذب طبقات كتير من الناس خصوصًا إنه مبهج جدًا، وهو عبارة عن دورين وطبعا فيه مينيمم تشارج بـ80 جنيه.
العنوان: 5 شارع أبو الفدا
التليفون: 0227357974
وهو مش بس كافيه لأ ده مطعم متنوع بيقدم وجبات سريعة وشهية جدًا، فمن ساندوتشات السجق إلى البيتزا وكمان الأطعمة البحرية والنباتية هتحتار تطلب إيه.
أما المشروبات هناك فهتلاقي كل اللي نفسك فيه من قهوة أمريكية لحد الشاي المصري التقيل الأصيل، وكمان ممكن تفطر هناك، والميزة بقى إن مفيش مينيمم تشارج، يعني ممكن تشرب حاجة على السريع وتمشي بأسعار معقولة.
وحقق الكافية ده شهرة كبيرة قوي في القاهرة وأصبح ليه أكثر من 17 فرع متنوع في مناطق كتير، ولكن بيعتبر فرعه في الزمالك من الأكثر شهرة.
العنوان: 48 شارع المرصفي
التليفون: 27362388 02
موضوعات ذات صلة
كافيهات جزيرة المعادي
أفضل مطاعم شارع 9 المعادي
أحلي فطار في القاهرة
أفضل خروجات للأطفال في القاهرة
وهو بيعتبر من كافيهات الزمالك اللي غالية شوية لكن بصراحة الموضوع يستحق جدًا، فأولًا هو عنده إطلالة فوق الرائعة على النيل، بالإضافة لتقديم مجموعة متنوعة جدًا من الوجبات الشهية سواء سورية أو تركية أو لبنانية.
والمينيمم تشارج هناك 150 جنيه للفرد، وبتزيد إلى 200 جنيه أيام الخميس والجمعة والسبت، علشان كده تعتبر خروجة مُكلفة شوية، إلا بقى لو عايز تدلع خطيبتك أو مراتك في مكان مميز فمش هتلاقي أحلى منه.
العنوان: 53 شارع أبو الفدا
التليفون: 27350014 02
وهو بيقدم مجموعة مميزة جدًا من المشروبات والأطعمة والأطباق اللي مش ممكن تقدر تقاومها، وهو ليه فروع كتير، ولكن أجملها اللي في الزمالك مع إطلالة فوق الخيال على النيل.
والأسعار هناك معقولة جدًا والمينيمم تشارج حوالي 50 جنيه ومبيتغيرش أيام الأجازات، علشان كده يعتبر خروجة بميزانية معقولة.
العنوان: 51 ش محمد مظهر الزمالك
التليفون: 19491
.jpg)
ودي بقى من الخروجات اللي مش ممكن تنساها في حياتك أبدًا، فمبدأيًا الكافيه ده عبارة عن سفينة جوة النيل، وفيها 10 مطاعم مختلفة شرقية وغريبة، بالإضافة لكافيه مميز جدًا، وفازت السفينة بجائزة أفضل مطعم سنة 2010.
فهناك هتحس إنك في مكان تاني مش على الأرض، وعلى فكرة الأسعار هناك مش غالية خالص وهتلاقي انواع مختلفة من الأكل في الكافيه نفسه، بالإضافة للحلويات الشرقية والغربية.. حقيقي مش ممكن تندم على الخروجة هناك.
العنوان.: شارع سرايا الجزيرة
التليفون: 2735 6730 02
وفي النهاية علشان تروح واحد من كافيهات الزمالك فلازم تعرف الأول إنت عايز إيه، ففي كل شارع هناك هتلاقي كافيه، فهل عايز قعدة شباب وهيصة من غير ما حد يقولك وطي صوتك، ولا عايز هدوء ورومانسية وجو شاعري.
كمان متنساش إنك لو هتطلب أكل تختار النوعية اللي بتحبها علشان الخروجة تبقى كاملة، ومن الكافيهات كمان اللي حصلت على إعجاب كتير من الناس هتلاقي ماكسيم وكافيتشو ولاروما وصوفيه كافيه ورويال جراند وغيرها.
