مطاعم توم اند بصل
سلسلة مطاعم توم اند بصل تعتبر واحدة من أشهر سلاسل المطاعم المصرية اللي مش بس معروفة في القاهرة وبقية المحافظات لأ ده السيّاح بييجوا ليها من أماكن كتير كمان ومعروفة قوي في دول أوروبا رغم إن مفيش فعليًا فروع ليهم هناك.. فإيه حكاية توم اند بصل وإيه أشهى الوجبات هناك وإيه سبب شهرته الكبيرة.
بداية مطاعم توم اند بصل
كانت البداية سنة 2002 بتأسيس أو محل للكشري والبيتزا الشرقية والفطائر وكان في مدينة نصر، واشتهر المحل بسرعة كبيرة جدًا خلت الناس تييجي له من كل مكان في القاهرة تقريبًا بخلطة الكشري المميزة جدًا وكمان المزيج العجيب بين الفطائر والبيتزا الشرقي.
كمان اسمه الغريب والمميز أكيد كان ليه دور كبير، فالتوم والبصل ممكن يدلوا على الكشري بشدة، وكمان هم من مكونات البيتزا الشرقي الشهية، فقدر فعلًا إنه يلبي أذواق كتير خصوصًا مع نظافة وفخامة المحل وفي نفس الوقت عدم المبالغة في الأسعار.
فروع مطاعم توم اند بصل
وصل عدد فروع محلات توم اند بصل إلى 11 فرع تقريبًا وهي منتشرة في القاهرة والجيزة فقط، وخط الطلبات السريع هو 16405 ومنه بيتم توصيلك لأقرب فرع ليك، والفروع هي:
· فرع 6 اكتوبر وموجود في كم 28 - طريق القاهرة الاسكندرية الصحراوي
· فرع الدقي وهو موجود في 85 شارع السودان - الدقي
· فرع الرحاب في السوق التجاري، مدينة الرحاب
· فرع الزيتون في 155ش طومانباي، الزيتون
· فرع المعادي وموجود في 24ش النصر، المعادي الجديدة، المعادي
· فرع المهندسين وموجود في 102 شارع جامعة الدول العربية، المهندسين
· فرع شبرا في 264 شارع شبرا ميدان الخلفاوى، شبرا
· فرع مدينة نصر وعنوانه 5 شارع النصر أمام شارع عباس العقاد، مدينة نصر
· فرع مساكن شيراتون وعنوانه 51 عمارات صقر قريش، مساكن شيراتون
· فرع مصر الجديدة وعنوانه 40 برج الاطباء - شارع كليوباترا ميدان صلاح الدين، مصر الجديدة
· فرع وسط البلد وموجود في 8 شارع طلعت حرب، وسط البلد
إيه أجمل الأكلات في محلات توم اند بصل؟
في الحقيقة هي كل الأكلات هناك بتنافس بعضها ولازم تجرَّب أكتر من حاجة منها، لكن طبعا الكشري هناك هو ملك الملوك وكمان الفطائر الحلوة، وأهم الأقسام هناك هي:
1. ركن الكشري:
وهتلاقي فيه أحجام متنوعة من أطباق الكشري سواء الكبير أو الوسط وكمان طبق صلصة أو عدس لوحده وطماطم متبلة وحمص ومهلبية وغيرها، وممكن تطلع على المنيو وتعرف أحدث الأسعار اللي بتتغير كل فترة.
2. ركن البيتزا الشرقي:
وهتلاقي فيه بيتزا شرقي فراخ وبيتزا مارجريتا، وبيتزا لحم مفروم، وبيتزا مشروم وبيتزا بسطرمة وبيتزا مشكل لحمة وبيتزا جمبري وتونة وسوسيس وبيتزا خضراوات وسجق وغيرها.
3. ركن الفطائر الحلوة
وده ليه جمهور كبير جدا وخصوصًا لفطيره السكر و اللبن وفطيرة المربى وفطيرة الكريمة بالكاستر وفطيرة الزبيب وجوز الهند وفطيرة الفواكه والكريمة بالكاستر وغيرها.
4. ركن أفضل أطباق توم اند بصل:
وهتلاقي فيه الأطباق اللي الطلب عليها أكبر حاجة، طبعا ممكن تختار تجرب وأهمها:
· علبة سوبر جامبو كشري
· علبة جامبو كشري
· علبة توم أند بصل
· طبق كبير
· طبق وسط
· عدس
· تقلية
5. ركن المشروبات:
وهي مشروبات عادية مش مصنوعة مخصوص هناك وبيقدم لك كوكاكولا وسبرايت وفانتا ومياه معدنية بأسعار أغلى شوية من اللي برة.
ودلوقتي لو عايز فعلًا خروجة مميزة أو عزومة ملهاش حل أكيد ممكن محلات توم اند بصل تكون من الاختيارات القوية جدا اللي قدامك.
