أحلى طعمية سخنة
لو بتدوّر على أحلى طعمية سخنة بجد في القاهرة فبصراحة أكيد هتحتار، لإن الطعمية والفول طبعًا من أكثر الأكلات اللي عليها إقبال في مصر عمومًا، ومش بس في المناطق الشعبية والقديمة ولكن كمان في أرقى الأماكن، علشان كده صعب قوي تختار مطعم واحد بس.
ولكن لإننا اتعودنا دايمًا ناخد رأي الناس ونسهِّل المهمة على زوّار القاهرة وغيرها من مدن، هنحاول نقولك أكثر المطاعم اللي عليها إقبال كبير لتقديم أحلى طعمية بأشكال مختلفة بالإضافة طبعًا للشكل التقليدي واللي مش ممكن نستغنى عنه أبدًا.
فلو عايز أحلى طعمية سخنة كمِّل معانا علشان تعرف تروح فين بالظبط لخروجة جامدة جدًا ومن غير تكاليف كتير.
وده تقريبًا الريس الكبير جدًا بتاع الفول والطعمية في القاهرة كلها، فهو واحد من أقدم المطاعم على الإطلاق اللي ممكن تستمتع فيها بجد بأحلى طعمية سخنة وملهلبة وبأشكال وأحجام مختلفة، سواء الحار أو المحشو أو اللي بالبيض وغيرها.
وكمان بيقدم أحلى طبق فول لا يُمكن أن يُعلى عليه، وهتلاقي كمان منيو متنوع جدًا بيقدم لك أحلى اختيارات الإفطار، والأهم من ده كله إن أسعاره تعتبر من الأرخص على الإطلاق في القائمة دي، وكمان هتلاقي أحلى توصيل سريع خصوصًا لو كنت في منطقة قريبة شوية.
العنوان: 16 شارع هدى شعراوي- وسط البلد.
رقم التليفون: 0223955557
وده بقى من المطاعم ولاد الناس في الفول والطعمية، ما احنا قلنا إن الأكلة دي ملهاش كبير، ورغم كده الأسعار عنده معقولة جدًا يعني هتلاقي سندوتش الطعمية عنده بيبدًأ من 3.5 جنيه وده سعر ممكن يكون أعلى شوية من مطاعم تانية، ولكن لإن التابعي في الزمالك والقرية الذكية والشيخ زايد ومناطق تانية راقية فمتوقع إن الأسعار تكون عالية شوية.
ولكن لإن المشوار بدأ من سنة 1918 في دمياط وانتقل للقاهرة بأول فرع في أحمد عرابي وبعد كده انتشر في أماكن تانية فهتلاقيه من أكثر مطاعم الفول والطعمية تنوعًا وبيرضي فعليًا كل الأذواق.
فروع التابعي الدمياطي:
الشيخ زايد، بداخل بنزينة تشيل اوت امام جاليريا مول
القرية الذكية، في داندى ميجا مول، الكيلو 28 طريق الإسكندرية الصحراوي، الطابق الأرضي
المهندسين في 17 شارع جامعة الدول العربية
المعادي في مول ريحانة ريزدنس، مدخل زهراء المعادي
رقم التليفون والتوصيل: 19122
وده متلاقيش حد من موظفين الشركات سواء قطاع عام ولا خاص إلا وعارفه تمامًا ومن الطقوس الصباحية بتاعته إنه يطلب سندوتشات من عنده، وكمان في بريك الغدا.
والفرع الأساسي ليه في إسكندرية لكنه قدر يعمل فروع كتير قوي تاني في القاهرة، صحيح فيه ناس أخدت الاسم وقلدته، لكن جاد الأصلي لا يمكن أن يُعلى عليه خصوصًا إن أسعاره برضه مناسبة جدا.
العناوين: 8 شارع مراد في ميدان الجيزة، و13 شارع 26 يوليو في وسط البلد.
التليفون: 19194
وده مش ممكن نجيب سيرة أحلى طعمية سخنة من غير ما نقول عليه، فرغم إن تقريبًا مفيش مكان تقعد فيه، إلا إن السندوتشات هناك ملهاش كبير ومفيش حد أبدًا يقدر يقاومها، وخلي بالك هو علطول زحمة.
علشان كده لو عايز طعامة الأكل من غير الزحمة فممكن تطلبه من خدمة جلوفو أو مرسول لإن معندهمش خدمة توصيل، وممكن كمان لو انت من الزباين المميزة تعرف تخترق الطوابير دي، وممكن تطلب الأكل قبل ما تروح وتستلمه سُخن برضه.
العنوان: 17 عمارات الشركة السعودية- أمام البنك الأهلي في مدينة نصر.
التليفون: 01009668441
النظافة والشياكة والأناقة مش هم أجمل حاجة في المطعم ده، لكن عليهم أشكال متنوعة من أحلى طعمية سخنة على الإطلاق، سواء حارة أو محشية أو بالبيض أو مع الفول وغيرها كتير.
ده طبعًا مع أكلات متنوعة من برجر وشاورما وغيرها، يعني ممكن تلاقي هناك كل أحلامك بتتحقق في غمضة عين.
العنوان: شارع 26 يوليو في الزمالك.
التليفون: 01208833233
سيد حنفي دوق الكشري على أصوله مع ملوك الدلع
