الدورة الشهرية للرجال

ممكن يكون العنوان غريب شويتين وناس كتير تقول أننا هنحكى في هلس لكن الواقع للأسف غير كدة خالص يؤسفني انى أبلغك انك أنت كراجل عندك دورة هرمونية زى الست بالضبط ويمكن اخطر منها كمان.

تخيل الراجل بتجيله دورة يومية

 

كلنا عارفين أن دورة الحيض الشهرية بتيجى نتيجة تقلبات في هرمونات الأنوثة زي الأستروجين عند الستات، الرجل للأسف معندوش دورة شهرية وبس دة كمان عنده دورة يومية

فترة الصبح بيكون هرمون التستوستيرون في جسم الرجل في أعلى مستوياته، عشان كدة بيكون اكثر تركيزا وعدائى وبيرد الكلمة بكلمتها بشكل ملاحظ وكذلك في الساعات الأولى من اليوم يكون اكثر قابلية للغضب والعصبية واكثر قابلية لرفض القيام بأي عمل يتطلب منة.

مع تدني مستويات التستوستيرون في ساعات المساء، بنلاقى كائن الرجل في ادنى مستويات العدائية وبيظهر علية الهدوء والتعب بشكل واضح وبيكون اكثر قابلية للموافقة على الحاجات اللي بتطلب منة والتفكير بهدوء في المشاكل والميل أنه يكون مسترخى عموما.

مالك.. مافيش ما أنتِ لو مهتمة كنتي عرفتي لوحدك

 

دة خلى احد المؤسسات البريطانية تعمل تجربة على حوالى 2400 بريطاني نصهم رجال والنص التانى نساء وكانت النتيجة أن 26 % من الرجال خلال أيام معينة من الشهر حسوا فعلا بتوتر ونرفذة زايدة تجاة حاجات معتاد انهم يتعاملو معاها، وكمان كانت مشاعرهم أشد من الطبيعي وعندهم حساسية تجاة وزنهم.

و 33% من النساء اكدوا انهم فعلا حسوا بضعف غريب في شركائهم الرجال خلال أيام معينة من الشهر اضطرتهم انهم يحتوهم أو انهم يقولولهم حرفيا كن رجلا.

يعني ممكن ببساطة في أوقات معينة تلاقي جوزك بيقولك لو كنتي مهتمة بيا كنتي عرفتي لوحدك.

كل شهر مزاجك بيتغير

 

في صحيفة التلغراف البريطانية قال دكتور جيد دياموند المتخصص في مجال التقلبات المزاجية لدى الذكور والباحث البارز في سن اليأس لدى الرجال، إن الرجال يتعرضون بالتأكيد لتغيرات هرمونية يمكن ملاحظتها شهريا، وأن تلك التقلبات الهرمونية البسيطة عادة ما يتم تجاهلها. وأضاف أن كثير من الرجال يمرون بتغيرات في حالتهم المزاجية، رغباتهم الجنسية، وهناءتهم البدنية في أوقات متشابهة كل شهر،

طيب أيه الحل!؟

 

طبعا الزوجة عليها عامل مهم في الفترة دى أنها تتحدث بهدوء مع الزوج وتحاول تتحمله خلال دورته الشهرية. خاصة أن الموضوع عرضي وبيروح لحالة.

الراجل كمان عنده فترة انقطاع طمث

 

لو موضوع التقلبات المزاجية ده بيستمر لفترات طويلة فمن الطبيعي اللجوء لعلاج فهى طبقا لدكتور جيد دايموند حالة مرضية معروفة بتحدث في فترة متوسط العمر عند الرجال نتيجة الانخفاض الطبيعي في هرمون الذكورة و اسمها "andropause"، أو انقطاع الطمث عند الذكور.

وقبل استشارة الطبيب ممكن تجربة الحلول الطبيعية لزيادة التستستيرون زي ممارسة الرياضة وتخفيف التوتر وضغط العمل وتناول الأطعمة الصحية وتجنب الكحول والتدخين.

 

خبر سار: الآن يمكنك شراء البانجو أونلاين